લંડનઃ નેશનલ હેલ્થ સર્વિસે ઇંગ્લેન્ડમાં લાખો દર્દીઓ માટે એક નવી ડિજિટલ સુવિધા શરૂ કરવાની જાહેરાત કરી છે. નવી વ્યવસ્થા હેઠળ, જ્યારે દર્દીઓની દવાઓ કે પ્રિસ્ક્રિપ્શન તૈયાર થઈ જશે ત્યારે તેમને તેમના સ્માર્ટફોન અને સ્માર્ટવોચ પર રિયલ-ટાઇમ નોટિફિકેશન મળશે.
આ મહત્વપૂર્ણ પહેલનો મુખ્ય હેતુ ફાર્મસી ખાતે થતા બિનજરૂરી ધક્કા અને સમયનો બગાડ અટકાવવાનો છે. અગાઉ દવાઓ તૈયાર થઈ છે કે નહીં તે જાણવા માટે દર્દીઓએ વારંવાર કોલ કરવા પડતા હતા અથવા ફાર્મસી પર જવું પડતું હતું, જેનાથી હેલ્થકેર સ્ટાફનો પણ ઘણો સમય વેડફાતો હતો. નવી ટેકનોલોજીથી સ્ટાફ પરનો કામકાજનો બોજ ઘટશે અને દર્દીઓને સુવિધા મળશે.
નવા ફીચરનો લાભ મેળવવા માટે આટલું કરો
- તમારા મોબાઇલમાં NHS એપનું લેટેસ્ટ વર્ઝન હોવું જરૂરી છે.
- એપની સેટિંગ્સ (Settings) માં જઈને 'Allow Notifications' નો વિકલ્પ ચાલુ કરો.
- નોટિફિકેશન ચાલુ થયા બાદ, દવા તૈયાર થતાં જ તમને સીધો મેસેજ મળશે. તમે એપમાં 'Ready to collect' અથવા 'Dispatched' જેવા સ્ટેટસ પણ જોઈ શકશો.
