એમ્બર લિસ્ટના પ્રવાસીઓ માટે નિયમો

કોરોના મહામારી અને ખાસ કરીને તાજેતરમાં ડેલ્ટા વેરિએન્ટના ફેલાવાના કારણે અત્યાર સુધી આંતરરાષ્ટ્રીય પ્રવાસ માટે રેડ લિસ્ટમાં મૂકાયેલા ભારત સહિતના કેટલાક દેશોને યુકે સરકારે એમ્બર-યલો લિસ્ટમાં મૂક્યા છે. આ સાથે ક્વોરેન્ટાઈન સહિતના નિયમો પણ બદલાયા છે. યુકે આવનાર પ્રવાસીએ શું કરવાનું રહેશે તેના કેટલાક નિયમો આ સાથે રજૂ કરાયા છેઃ

બ્રિટનનો પ્રવાસ કરતા પહેલા શું કરવું પડશે?

• પ્રવાસ અગાઉના ત્રણ દિવસમાં કરાવેલો કોવિડ RT-PCR ટેસ્ટ ફરજિયાત છે

• યુકે પહોંચ્યા પછી કરાનારા કોવિડ ટેસ્ટનું બૂકિંગ અને નાણા ચુકવવાના રહેશે.

• પેસેન્જર લોકેટર ફોર્મ ફરજિયાત ભરવાનું રહેશે.

બ્રિટન પહોંચ્યા પછી શું કરવું પડશે?

• પ્રવાસી જે સ્થળે રહેવાનો હોય તે સ્થળ અથવા ઘરમાં ૧૦ દિવસ માટે ક્વોરેન્ટાઈન રહેવું પડશે.

• હોમ ક્વોરેન્ટાઈનના બીજા દિવસે અથવા તે અગાઉ કોવિડ ટેસ્ટ કરાવવાનો રહેશે.

• હોમ ક્વોરેન્ટાઈનના આઠમા દિવસે અથવા તે પછી કોવિડ ટેસ્ટ કરાવવાનો રહેશે.

• વોલન્ટરી ટેસ્ટ ટુ રીલિઝ સ્કીમ હેઠળ ક્વોરેન્ટાઈનના પાંચમા દિવસે નાણા ચુકવી ખાનગી કોવિડ ટેસ્ટ કરાવી શકાય છે અને જો ટેસ્ટનું પરિણામ નેગેટિવ આવે તો ક્વોરેન્ટાઈનમાંથી મુક્ત થઈ શકે છે.

• ઈયુ અને યુએસએમાં કોરોના વેક્સિન લેનારા પ્રવાસીઓને હોમ ક્વોરેન્ટાઈનમાંથી મુક્તિ

• જો તમે યુકેમાં અથવા વિદેશમાં યુકે વેક્સિન પ્રોગ્રામ હેઠળ સંપૂર્ણ વેક્સિનેટેડ હો તો ક્વોરેન્ટાઈન અને ૮મા દિવસના ટેસ્ટની જરુર રહેશે નહિ.

• તમે ઈંગ્લેન્ડ આવો ત્યારે ૧૮ વર્ષથી ઓછી વયના હો, યુકેના રેસિડેન્ટ હો અથવા યુકે દ્વારા માન્ય વેક્સિનેશન પ્રોગ્રામ ધરાવતા દેશમાંથી આવો તો ક્વોરેન્ટાઈન અને ૮મા દિવસના ટેસ્ટની જરુર રહેશે નહિ.

• તમે ઈંગ્લેન્ડ આવો તેના ઓછામાં ઓછાં ૧૪ દિવસ અગાઉ વેક્સિનનો આખરી ડોઝ લીધો હોવો જરૂરી છે છતાં, તમારે બે દિવસ પછીનો કોવિડ ટેસ્ટ કરાવવાનો રહેશે.