લંડનઃ ડિપાર્ટમેન્ટ ફોર વર્ક એન્ડ પેન્શન્સ આગામી ઓક્ટોબરથી એક નવો કડક નિયમ અમલમાં મૂકવા જઈ રહ્યું છે, જે હેઠળ ડિપાર્ટમેન્ટ પાસે બાકી નીકળતી રકમ પરત ન કરનારા વ્યક્તિઓના ડ્રાઇવિંગ લાઇસન્સ રદ કરવાની સત્તા રહેશે.
આ કાર્યવાહી ખાસ કરીને સૌથી વધુ ફ્રોડ દર ધરાવતી ત્રણ મુખ્ય યોજનાઓ યુનિવર્સલ ક્રેડિટ, પેન્શન ક્રેડિટ અને ઈએસએના લાભાર્થીઓ પર ધ્યાન કેન્દ્રિત કરશે. આ સુધારાનો હેતુ એવા લોકો પાસેથી નાણાં વસૂલવાનો છે જેઓ હવે સરકારી લાભો લેતા નથી પરંતુ હજુ પણ DWPનું દેવું ચૂકવવાનું ટાળી રહ્યા છે.
આ પગલું માત્ર એવા કિસ્સાઓમાં જ લેવાશે જ્યાં દેવાની રકમ 1,000 પાઉન્ડથી વધુ હોય અને અદાલતને ખાતરી થાય કે વ્યક્તિ પાસે નાણાં ચૂકવવાની ક્ષમતા હોવા છતાં ઈરાદાપૂર્વક દેવું ચૂકવ્યું નથી.
