કિંગ ચાર્લ્સ ઓસ્કવિઝની મુલાકાત લેનારા પ્રથમ બ્રિટિશ રાજવી

લંડનઃ કિંગ ચાર્લ્સ તૃતીયે ઓસ્કવિઝ ખાતેના નાઝી કોન્સન્ટ્રેશન કેમ્પની મુક્તિની 80મી વરસી પર ઓસ્કવિઝની મુલાકાત લીધી હતી. આમ કરનાર તેઓ પ્રથમ બ્રિટિશ રાજવી છે. આ પ્રસંગે તેમણે જણાવ્યું હતું કે, આ એક અત્યંત પવિત્ર ક્ષણ છે. આ એક એવી ક્ષણ છે જેમાં આપણે માનવતાને શર્મસાર કરનારી ઘટનાઓને યાદ કરીએ છીએ જેમાં વિશ્વ જેને ધુત્કારે છે તેવી શેતાની શક્તિઓ હાવી થઇ ગઇ હતી.