ક્વીન કેમિલા રોયલ નેવીમાં વાઇસ એડમિરલનો દરજ્જો મેળવનારા પ્રથમ મહિલા

લંડનઃ 78મા જન્મદિવસની પૂર્વ સંધ્યાએ પ્લાયમાઉથની મુલાકાતે પહોંચેલા ક્વીન કેમિલાને રોયલ નેવીમાં વાઇસ એડમિરલનો દરજ્જો અપાયો છે. યુકેમાં રોયલ નેવીમાં વાઇસ એડમિરલનો દરજ્જો મેળવનારા ક્વીન કેમિલા પ્રથમ મહિલા છે. આ પ્રસંગે ક્વીન કેમિલાને ક્લિન્ગફિલ્મ હોલ્ડર ભેટમાં અપાયું હતું. પરમાણુ સબમરીન એચએમએસ એસ્ટ્યુટમાં એક સમયે ખામી સર્જાતાં તેમણે ખામી દૂર કરવા ટ્રાન્સપરન્ટ પ્લાસ્ટિકનો ઉપયોગ કર્યો હતો. ક્વીન કેમિલા આ સબમરીનને લેડી સ્પોન્સર પણ છે. તેઓ આ ભેટ જોઇને ઘણા ખુશ થયાં હતાં.