ગ્લોસ્ટરશાયરના પુલ કેઇન્સ શહેરના DPE અોટોપાર્ટ્સ ગેરેજમાં ૪૦ માઇલથી વધુ ઝડપે દોડી શકતી ન હોવાની ફરિયાદ સાથે હોન્ડા સિવીક કારને લાવવામાં આવી હતી. ગેરેજના માલીક ડેવિડ ઇવાન્સ અને અન્ય મિકેનીકોએ ઘણાં પ્રયત્ન કર્યા હતા અને બધા ટેસ્ટ પછી પણ કારણ મળતું ન હતું. પરંતુ તેમણે જેવું એર ફિલ્ટર ખોલ્યું કે તુરંત જ તેમને આખુ ય એરફિલ્ટર સીંગદાણાથી ભરાયેલું જોવા મળ્યું હતું. ખીસકોલી કારના એન્જીનમાં પ્રવેશી એર ફિલ્ટર સુધી પહોંચી હશે એમ મનાય છે.
