ગર્લફ્રેન્ડ સાથે ઝગડા પછી મોત મળ્યું

કાર્ડિફઃ ગર્લફ્રેન્ડ ટ્રેસી ગિલ સાથે સ્ટ્રીટ કોર્નરમાં વહેલી સવારની દલીલબાજી ૩૫ વર્ષીય રસેલ પીચેના મોતમાં પરિણમી હતી. કાર્ડિફના ગ્રેન્જટાઉનમાં ગયા વર્ષની પહેલી ઓગસ્ટે ચાર વ્યક્તિ- ક્રિસ્ટોફર સ્મિથ, ડીન બિસ્લે, શમાંદરસિંહ અને જેમ્સ વિલિયમ્સે યુગલ વચ્ચે દલીલો અને એકબીજાને ધક્કા મારતા જોઈ હસ્તક્ષેપ કર્યો હતો. આ લોકો સામે રસેલને હથોડીના ઘાથી મારી નાખવાનો આરોપ છે.કાર્ડિફ ક્રાઉન કોર્ટ સમક્ષ જણાવાયું હતું કે શમાંદર સિંહના ઘરની બહાર આ યુગલ વચ્ચે લડાઈ પછી તેઓ ટ્રેસી ગિલની મદદે ગયા હતા. તેમણે ૪૦ મિનિટ સુધી કાર અને વાનમાં રસેલ પીચેનો પીછો કર્યો હતો. આ પછી, રસેલ રોડસાઈડે લોહીનિંગળતી અને બેભાન હાલતમાં મળી આવ્યા હતા. ચારે વ્યક્તિએ હત્યાનો ગુનો નકાર્યો છે અને ટ્રાયલ ચાલી રહી છે.