લંડન
જાહેરમાં અશ્લિલ ચેનચાળા દ્વારા નિજાનંદમાં મસ્ત થવા માટે 62 વર્ષીય અરશદ આઝાદને બીજીવાર જેલના સળિયા ગણવાનો વારો આવ્યો છે. ગયા ઉનાળામાં આજ અપરાધ માટે અરશદ આઝાદને 28 સપ્તાહની કેદની સજા અપાઇ હતી. પરંતુ આ વખતે હવે તેને આઠ મહિનાની કેદ ફટકારવામાં આવી છે. 24 નવેમ્બર 2022ના રોજ અરશદ આઝાદને બ્રિયર્લી હિલ ખાતે આ પ્રકારની વર્તણૂંક કરતાં ઝડપી લેવાયો હતો. કોર્ટને જણાવવામાં આવ્યું હતું કે, અરશદ આઝાદનો અપરાધ ગંભીર છે કારણ કે તે વારંવાર કાયદાનું ઉલ્લંઘન કરી રહ્યો છે. અરશદ આઝાદને 200 પાઉન્ડનો દંડ પણ ફટકારવામાં આવ્યો છે.
