લંડનઃ અમીર ગ્રાહકોને વિવિધ સ્કીમો બતાવીને ટેક્સ ચૂકવવાનું ટાળવા માટે પ્રોત્સાહન આપવા બદલ ફ્રેંચ કોર્ટે યુબીએસને ૩.૭ બિલિયન યુરોનો ધરખમ દંડ ફટકાર્યો હતો.
પેરિસ ક્રિમિનલ કોર્ટે આ ગુનાને ‘ખૂબ જ ગંભીર’ ગણાવીને ફ્રેંચ સરકારને વધારાના ૮૦૦,૦૦૦ યુરો ચૂકવવા સ્વીસ બેંકને આદેશ કર્યો હતો. તેને લીધે યુબીએસના ૨૦૧૮ના ૪.૯ બિલિયન યુરોના ચોખ્ખા નફાનું ધોવાણ થશે. બેંકના વકીલોએ આ ચૂકાદા સામે બેંક અપીલ કરશે તેમ જણાવ્યું હતું. યુબીએસ બેસલ અને ઝ્યૂરીચ સ્થિત ગ્લોબલ ઈન્વેસ્ટમેન્ટ બેંક અને ફાઈનાન્સિયલ સર્વિસીસ ગ્રૂપ છે. ૫૦થી વધુ દેશોમાં તેના ૬૦,૦૦૦ જેટલાં કર્મચારીઓ છે.