લંડનઃ માન્ચેસ્ટરમાં ચાલી રહેલી કન્ઝર્વેટિવ પાર્ટીની વાર્ષિક કોન્ફરન્સમાં વડાપ્રધાન રિશી સુનાક અને તેમની નીતિઓના વિરોધી ટોરી નેતાઓ વચ્ચે સ્પષ્ટ તલવારો ખેંચાયેલી જોવા મળી રહી છે પરંતુ સુનાક અને તેમની કેબિનેટ આગામી દિવસોમાં સરકાર દ્વારા લેવાનારા વિવિધ પગલાંની જાહેરાત કરવામાં આવી રહી છે. તો બીજીતરફ લિઝ ટ્રસ આણિ મંડળીએ સુનાક સરકાર સામે બળવાનું બ્યૂગલ ફૂંકી દીધું છે. તેમની સાથે પ્રીતિ પટેલ સહિતના પૂર્વ મંત્રીઓએ પણ હાથ મિલાવ્યાં છે. એચએસટુ રેલવે પ્રોજેક્ટ સહિતના મુદ્દા વિવાદાસ્પદ બની રહ્યાં છે ત્યારે સુનાક માટે આગામી દિવસો કપરાં બની રહે તેવા સંકેત પ્રાપ્ત થઇ રહ્યાં છે.
