ડોક્ટરે દીકરીઓની પ્રાઇવેટ સ્કૂલની ફી ભરવા એનએચએસને 52,000 પાઉન્ડનો ચૂનો લગાવ્યો

લંડનઃ ટિકટોક પર નામના મેળવનારા એક ડોક્ટરે એનએચએસને 52,000 પાઉન્ડનો ચૂનો લગાવતા તેમના પર ડોક્ટર તરીકેની પ્રેકટિસ માટે પ્રતિબંધ લગાવી દેવામાં આવ્યો છે. કાનના ડોક્ટર તરીકે જાણીતા ડો. કિફાયત ઉલ્લાહે 22.5 કલાક કામ કર્યું હોવા છતાં ટાઇમશીટમાં 45 કલાક કામ કર્યાનું દર્શાવીને છેતરપિંડી કરી હતી. તેણે જણાવ્યું હતું કે, દીકરીઓની પ્રાઇવેટ સ્કૂલની ફી ભરવા માટે તેણે આમ કર્યું હતું. એનએચએસની તપાસમાં આ ડોક્ટરની વૈભવી લાઇફસ્ટાઇલ સામે આવી હતી.