તપાસ અહેવાલ સામે તીવ્ર નારાજગી

લંડનઃ અમદાવાદમાં લંડન માટે ઉડાન ભરનાર કમભાગી એર ઇન્ડિયાનું વિમાન ક્રેશ થવાના કારણો શોધવા માટેની તપાસ સમિતિ દ્વારા જારી કરાયેલા પ્રાથમિક અહેવાલ સામે ઘણી નારાજગી પ્રવર્તી રહી છે. આ દુર્ઘટનામાં મોટી સંખ્યામાં બ્રિટિશ ભારતીય પરિવારોના મોત થયાં હતાં. તેમના સ્વજનો કહે છે કે તપાસ અહેવાલના તારણો દ્વારા અમને અમારા સવાલોના જવાબ મળી રહ્યાં નથી અને ઉલટાનું આ તપાસ મુક્ત, ન્યાયી અને પારદર્શી બની રહેશે તે અંગે પણ અમને શંકાઓ છે.