દારૂડિયા દ્વારા કરાતા અકસ્માતોમાં મૃતકોની સંખ્યા 13 વર્ષની ટોચે

લંડનઃ દારૂ પીને ડ્રાઇવિંગ કરતા નશાબાજો દ્વારા કરાતા અકસ્માતમાં મૃતકોની સંખ્યા છેલ્લા 13 વર્ષની ટોચ પર પહોંચી છે. ડિપાર્ટમેન્ટ ઓફ ટ્રાન્સપોર્ટે જણાવ્યું હતું કે, ગ્રેટ બ્રિટનમાં આ પ્રકારના અકસ્માતોમાં વર્ષ 2022માં 300 લોકોનાં મોત થયાં હતાં. 2009 પછીનો આ સૌથી ઊંચો આંકડો છે. 2009માં 380 મોત નોંધાયાં હતાં. 2022માં દારૂ પીધેલા ડ્રાઇવર દ્વારા કરાયેલા અકસ્માતોમાં થયેલા મોતની સંખ્યામાં 18 ટકાનો વધારો જોવા મળ્યો હતો. રોડ સેફ્ટી ચેરિટીના જણાવ્યા અનુસાર આ ભયજનક વધારો ઘણો ચિંતાજનક છે. સરકારે પોલીસને આ પ્રકારના ડ્રાઇવરોને ઝડપી લેવા માટે વધુ રિસોર્સ ઉપલબ્ધ કરાવવા જોઇએ.