નોર્થ વેલ્સમાં શીખ યુવક પર હુમલાની નિંદા

દેખીતી રીતે વંશીયતાપ્રેરિત અને કોઈ ઉશ્કેરણી વિના કરાયેલા હુમલાના સંપૂર્ણ સંજોગો હજુ બહાર આવ્યા નથી. શીખ નેટવર્કે આ ઘટના મુદ્દે સોશિયલ મીડિયા પર અટકળો ન કરવા લોકોને અનુરોધ કર્યો છે. શકમંદની ધરપકડ કરાઈ છે અને ટ્રાયલની હંગામી તારીખ જૂન મહિનાની છે. મોલ્ડમાં ૨૨ જાન્યુઆરીની રાત્રે વંશીયતાવિરોધી કાર્યક્રમ યોજાયો હતો, જેમાં ૧૦૦થી વધુ સ્થાનિક લોકો હાજર રહ્યા હતા. યુકેમાં પોતાની સલામતી અંગે ચિંતિત શીખ લોકોને સ્થાનિક પોલીસ ફોર્સનો સંપર્ક કરવા પણ અનુરોધ કરાયો હતો.