લંડન
યુકેમાં હવાનું બદતર પ્રદૂષણ ધરાવતા ટોચના 10 શહેરોમાં લંડન નવમા સ્થાને છે. ઇનડોર એર ક્વોલિટી એક્સપર્ટ હાઉસફ્રેશ દ્વારા કરાયેલા એક સંશોધનમાં જણાવવામાં આવ્યું છે કે લંડનમાં હવાનું પ્રદૂષણ એક વર્ષમાં 154 સિગારેટ ફૂંકી મારવા સમાન છે. લંડન કરતાં નોર્ધમ્પટન, નોટિંગહામ અને બ્રિસ્ટોલમાં હવાના પ્રદૂષણની સ્થિતિ તેનાથી પણ બદતર છે. હવાનું પ્રદૂષણ તેમાં રહેલા પીએમ2.5 પાર્ટિકલના આધારે નક્કી કરવામાં આવે છે. 2.5 માઇક્રોમીટર જેટલો ઓછો વ્યાસ ધરાવતા પ્રદૂષણના આ કણો માનવીના ફેફસા અને લોહીમાં ભળીને નુકસાન પહોંચાડે છે. જો તમે ધુમ્રપાન નથી કરતાં તો પણ આ પાર્ટિકલ શ્વાસમાં લેવાના કારણે તમે પરોક્ષ રીતે ધુમ્રપાન જેટલી જ પ્રદૂષિત હવા શ્વાસમાં લો છો.
યુકેના ટોચના પ્રદૂષિત શહેરો
શહેર – કેટલી સિગારેટ જેટલો ધુમાડો શ્વાસમાં જાય છે
નોર્ધમ્પ્ટન – 189 સિગારેટ
નોટિંગહામ – 181 સિગારેટ
બ્રિસ્ટોલ – 163 સિગારેટ
સાઉધમ્પ્ટન- 162 સિગારેટ
કિંગ્સ્ટન – 161 સિગારેટ
કાર્ડિફ – 160 સિગારેટ
સાઉથએન્ડ – 157 સિગારેટ
નોર્વિચ – 157 સિગારેટ
લીડ્સ – 155 સિગારેટ
લંડન – 154 સિગારેટ
સ્ટોક – 149 સિગારેટ
