લંડનઃ પત્નીને મોતને ઘાટ ઉતારનાર પતિને હત્યા માટે દોષી ઠેરવાયો છે. એપ્રિલ 2024માં બ્રાડફોર્ડ ખાતે પોતાના બાળકને બાબાગાડીમાં લઇ જતી પત્ની કુલસુમા અખ્તર પર હબિબુર માસુમે હુમલો કર્યો હતો. પોતાના 7 માસના બાળકની સામે જ તેણે ચાકુના 25 ઘા ઝીંકીને પત્નીની હત્યા કરી નાખી હતી.
બ્રાડફોર્ડ ક્રાઉન કોર્ટમાં સુનાવણી દરમિયાન જણાવવામાં આવ્યું હતું કે, કુલસુમા ઓલ્ડહામ ખાતેના તેમના નિવાસસ્થાનમાં માસુમે ગળા પર છરી મૂક્યા બાદ જાન્યુઆરી મહિનાથી સિટીની હોસ્ટેલમાં રહેતી હતી. અદાલતે માસુમને હત્યા માટે દોષી ઠેરવ્યો હતો. માસુમ સ્ટુડન્ટ વિઝા પર યુકે આવ્યો હતો.
