લંડનઃ લાંબા સમયથી પડતર એવા પાર્કિંગ કાયદા સમગ્ર યુકેમાં અમલમાં મૂકાઇ રહ્યાં છે જેમાં આકરા દંડની જોગવાઇ છે. લોકલ ગવર્મેન્ટ એસોસિએશને સ્કોટલેન્ડ જેવા પેવમેન્ટ પર પાર્કિંગ પર પ્રતિબંધ મૂકવાની પણ માગ કરી છે. તેમનું કહેવું છે કે આ પ્રતિબંધના કારણે નેબરહૂડને સુરક્ષિત બનાવી શકાશે. નવા પાર્કિંગ લો મુજબ તેનું ઉલ્લંઘન કરનારાને 100 પાઉન્ડ સુધીનો આકરો દંડ થઇ શકે છે.
આરએસીના પોલિસી હેડ સાયમન વિલિયમ્સ કહે છે કે પેવમેન્ટ પાર્કિંગથી ઘણી અસુવિધા થાય છે. મુખ્યત્વે પેવમેન્ટ પર કરાયેલા પાર્કિંગના કારણે રાહદારીઓ અને વ્હીલચેર પર જતા લોકોને ઘણી પરેશાનીનો સામનો કરવો પડે છે.
લોકલ ઓથોરિટીઝને કાયદાનો અમલ કરવાની સૂચના આપી દેવાઇ છે. તેનો અર્થ એ થયો કે પાર્કિંગ નિયમોનું ઉલ્લંઘન કરનારાને 100 પાઉન્ડનો દંડ કરાશે. જો તે 14 દિવસમાં દંડ ભરશે તો તેને 50 પાઉન્ડ ચૂકવવાના રહેશે.
