પ્રિન્સ વિલિયમ હોમલેસનેસ નાબૂદ કરવા મોટો પ્રોજેક્ટ શરૂ કરશે

લંડનઃ બ્રિટિશ રાજગાદીના વારસ એવા પ્રિન્સ વિલિયમે જણાવ્યું છે કે હું દેશભરમાંથી ઘરવિહોણા હોવાની સ્થિતિ નાબૂદ કરવામાં મદદ કરવા ઇચ્છું છું અને આ માટે હું આ મહિનાના અંતમાં એક મોટા પ્રોજેક્ટનો પ્રારંભ કરી રહ્યો છું. હું મારી પત્નીના રોયલ ફાઉન્ડેશનની મદદથી આ પ્રોજેક્ટ શરૂ કરી રહ્યો છું. 40 વર્ષીય વિલિયમ સખાવતી સંસ્થાઓના મદદગાર રહ્યા છે અને દેશમાંથી હોમલેસનેસ દૂર કરવા ઇચ્છે છે. તેમના માતા પ્રિન્સેસ ડાયના પણ આમ જ ઇચ્છતા હતા. તેઓ નાના હતા ત્યારે પ્રિન્સેસ ડાયના તેમને હોમલેસ શેલ્ટર લઇ જતા. પ્રિન્સ વિલિયમ આ મામલા પર કામ કરતી બે ચેરિટીના પેટ્રન પણ છે.