બુકર પ્રાઇઝ જજિંગ પેનલમાં નિતિન સાહનીની નિયુક્તિ

લંડનઃ એવોર્ડ વિનર બ્રિટિશ ઇન્ડિયન મ્યુઝિશિયન નિતિન સાહનીની વર્ષ 2024 માટેની બુકર પ્રાઇઝ જજિંગ પેનલના સભ્ય તરીકે નિયુક્તિ કરાઇ છે. નિતિન સાહની આર્ટિસ્ટ અને લેખક એડમન્ડ દ વાલના નેતૃત્વ હેઠળની પાંચ સભ્યોની પેનલમાં સામેલ થશે. આ પેનલમાં સાહની ઉપરાંત નવલકથાકાર સારા કોલિન્સ, ગાર્ડિયન અખબારના ફિક્શન એડિટર જસ્ટિન જોર્ડન અને ચીની અમેરિકન લેખક પ્રોફેસર યિયુન લીનો સમાવેશ કરાયો છે. સાહનીએ સોશિયલ મીડિયા પોસ્ટ પર જણાવ્યું હતું કે, આ પેનલમાં સામેલ થવુ મારા માટે મોટા સન્માનની વાત છે. કેન્ટમાં જન્મેલા સાહની વિશ્વ સ્તરના નિર્માતા, ગીતકાર, ટુરિંગ આર્ટિસ્ટ અને કમ્પોઝર છે.