ભારત જતા વિદેશી પાસપોર્ટધારકો માટે હવે ઇ-અરાઇવલ કાર્ડ ભરવું ફરજિયાત

લંડનઃ ભારત સરકારે ઇમિગ્રેશન પ્રક્રિયાઓના આધુનિકીકરણ તરફ એક મોટું કદમ ઉઠાવતા ૧ એપ્રિલ ૨૦૨૬થી પરંપરાગત પેપર ડિસએમ્બાર્કેશન કાર્ડને કાયમી ધોરણે નાબૂદ કરી દીધું છે. હવે યુએસ, યુકે, કેનેડા અને ઓસ્ટ્રેલિયા સહિતના તમામ વિદેશી નાગરિકો માટે ભારત આવતા પહેલા ઓનલાઇન ઇન્ડિયા ઇ-અરાઇવલ કાર્ડ ભરવું અનિવાર્ય રહેશે.

એરપોર્ટ પર હવે કોઈપણ પ્રકારના પેપર ફોર્મ સ્વીકારવામાં આવશે નહીં. આ નવો નિયમ અમલી બની ચૂક્યો છે અને આ ઓનલાઇન સુવિધા સંપૂર્ણપણે નિઃશુલ્ક છે. જે મુસાફરો આ ફોર્મ ભરવામાં નિષ્ફળ રહેશે તેમણે ઇમિગ્રેશન પર વિલંબ, મેન્યુઅલ કિયોસ્ક પર લાંબી કતારો અને કદાચ આગળની ડોમેસ્ટિક કનેક્ટિંગ ફ્લાઇટ્સ ગુમાવવી પડે તેવી સ્થિતિનો સામનો કરવો પડી શકે છે.

આ કાર્ડ ૧૯૬૦ના દાયકાથી ફ્લાઇટ્સમાં આપવામાં આવતા પેપર ફોર્મનું ડિજિટલ સ્વરૂપ છે. તે કોઈ વિઝા નથી અને તમારા વર્તમાન વિઝા કે  ઇ-વિઝાનું સ્થાન લેતું નથી. તે માત્ર તમારી પ્રવાસ વિગતોની ડિજિટલ જાહેરાત છે.

પ્રવાસી ભારત પહોંચવાના ૭૨ કલાક પહેલા સત્તાવાર 'Indian Visa Online' વેબસાઇટ અથવા 'Indian Visa Su-Swagatam' મોબાઈલ એપ દ્વારા આ ફોર્મ ભરી શકે છે. ફોર્મ સબમિટ કર્યા બાદ એક QR કોડ જનરેટ થશે, જે એરપોર્ટ પર ઇમિગ્રેશન અધિકારીઓને બતાવવાનો રહેશે.

ભારત સરકારનો ઉદ્દેશ્ય ઇમિગ્રેશન પ્રક્રિયાને વધુ ઝડપી અને પેપરલેસ બનાવવાનો છે. દિલ્હી અને બેંગલુરુ એરપોર્ટ પર કરવામાં આવેલા પરીક્ષણોમાં જોવા મળ્યું છે કે આ ડિજિટલ સિસ્ટમથી ઇમિગ્રેશનનો સરેરાશ સમય ૫-૬ મિનિટથી ઘટીને ૩ મિનિટથી પણ ઓછો થઈ ગયો છે. થાઈલેન્ડ, સિંગાપોર અને ઓસ્ટ્રેલિયા જેવા દેશોની જેમ ભારત પણ હવે ડિજિટલ અરાઈવલ સિસ્ટમ અપનાવી રહ્યું છે.

કોણે આ ફોર્મ ભરવું પડશે?

• ફરજિયાત: યુએસ, યુકે, કેનેડા અને ઓસ્ટ્રેલિયા સહિતના તમામ વિદેશી પાસપોર્ટ ધારકો.
• OCI કાર્ડ ધારકો: ખાસ નોંધનીય છે કે, શરૂઆતમાં મુક્તિ આપ્યા બાદ હવે OCI (ઓવરસીઝ સિટીઝન ઓફ ઇન્ડિયા) કાર્ડ ધારકો માટે પણ આ e-Arrival Card ભરવું ફરજિયાત કરવામાં આવ્યું છે.
• મુક્તિ: માત્ર ભારતીય પાસપોર્ટ ધારકોને જ આ ફોર્મમાંથી મુક્તિ આપવામાં આવી છે.
• વ્યક્તિગત માહિતી: નામ, પાસપોર્ટ નંબર, રાષ્ટ્રીયતા અને જન્મ તારીખ.
• પ્રવાસની વિગતો: ફ્લાઇટ નંબર, આગમનનો સમય અને કયા એરપોર્ટ (દિલ્હી, મુંબઈ વગેરે) પર ઉતરવાના છો તેની વિગત.
• રોકાણની વિગતો: ભારતમાં હોટલ અથવા યજમાનનું સરનામું અને સંપર્ક નંબર.
• વિઝા વિગતો: તમારા વિઝાનો પ્રકાર અને નંબર.
• આરોગ્ય ઘોષણા: વર્તમાન સ્વાસ્થ્ય અંગેની ટૂંકી માહિતી.

ફોર્મ ભરવા માટે જરૂરી માહિતી

• વ્યક્તિગત માહિતી: નામ, પાસપોર્ટ નંબર, રાષ્ટ્રીયતા અને જન્મ તારીખ.
• પ્રવાસની વિગતો: ફ્લાઇટ નંબર, આગમનનો સમય અને કયા એરપોર્ટ (દિલ્હી, મુંબઈ વગેરે) પર ઉતરવાના છો તેની વિગત.
• રોકાણની વિગતો: ભારતમાં હોટલ અથવા યજમાનનું સરનામું અને સંપર્ક નંબર.
• વિઝા વિગતો: તમારા વિઝાનો પ્રકાર અને નંબર.
• આરોગ્ય ઘોષણા: વર્તમાન સ્વાસ્થ્ય અંગેની ટૂંકી માહિતી.