લંડનઃ બાંગ્લાદેશની મુહમ્મદ યુનુસના નેતૃત્વ હેઠળની વચગાળાની સરકારે તાજેતરમાં બાંગ્લાદેશમાં હત્યા કરાયેલા ભારત વિરોધી નેતા શરિફ ઓસ્માન હાદીના ભાઇ માટે યુકે સ્થિત બાંગ્લાદેશી મિશનમાં ચૂપચાપ એક હોદ્દો ઊભો કરી દીધો છે. ડિસેમ્બર 2025માં હાદીની હત્યા થઇ ત્યારબાદ બાંગ્લાદેશમાં ઇસ્લામિક કટ્ટરવાદીઓ દ્વારા ભારત અને હિન્દુઓ વિરુદ્ધ લાગણીઓ ભડકાવવામાં આવી હતી.
શરિફ ઓસ્માન હાદીના ભાઇ ઓમર બિન હાદીને બર્મિંગહામ સ્થિત બાંગ્લાદેશ આસિસ્ટન્ટ હાઇ કમિશન ખાતે સેકન્ડ સેક્રેટરી તરીકે 3 વર્ષની મુદત માટે નિયુક્ત કરાયો છે. ઓમરનો ભાઇ શરિફ ઓસ્માન હાદી ભારત વિરોધી નેતા હતો અને બાંગ્લાદેશમાં વર્ષ 2024માં થયેલા આંદોલનમાં ભારત વિરોધી લાગણીઓ ઉશ્કેરી હતી. જેના પગલે અવામી લીગના નેતા શેખ હસીનાને બાંગ્લાદેશનું વડાપ્રધાનપદ ત્યાગી ભારતમાં આશ્રય લેવાની ફરજ પડી હતી.
