ભારતીય મૂળના ડોક્ટર મેડિકલ પ્રેકટિસમાંથી 12 મહિના માટે સસ્પેન્ડ કરાયા

લંડનઃ પોતાના સર્જરી લિસ્ટમાંથી દર્દીનું નામ હટાવવા માટે દર્દી દ્વારા હુમલો કરાયો હોવાની વાત ઉપજાવી કાઢનાર 58 વર્ષીય ભારતીય મૂળના મેડિકલ પ્રેકટિશનર ગુરકિરિટ કાલકાટને 12 મહિના માટે સસ્પેન્ડ કરી દેવાયા છે. એસેક્સના ડેગનહામમાં થેમ્સ વ્યૂ મેડિકલ સેન્ટર ખાતે કામગીરી કરતા કાલકાટ અન્ય ડોક્ટર સાથે પ્રેકટિસમાં મર્જરના કારણે દર્દીનું નામ સર્જરી લિસ્ટમાંથી હટાવવા ઇચ્છતા હતા. તેમણે પોતાને જ ઇજા પહોંચાડીને દર્દી પર હુમલાનો આરોપ મૂક્યો હતો. માન્ચેસ્ટરની મેડિકલ પ્રેકટિશનર્સ ટ્રિબ્યુનલ સર્વિસે કાલકાટને 12 મહિના માટે ડોક્ટરી વ્યવસાયમાંથી સસ્પેન્ડ કરવાનો આદેશ આપ્યો છે.