ભારતીયો માટે લોહિયાળ સપ્તાહ, ડાયસ્પોરામાં ભયનું વાતાવરણ સર્જાયું

લંડનઃ બ્રિટનમાં ગુનાખોરીએ માઝા મૂકી છે ત્યારે વીતેલું સપ્તાહ ભારતીયો માટે લોહિયાળ પૂરવાર થયું હતું. એક જ સપ્તાહમાં ભારતીયોની હત્યાના 3 બનાવ બનતાં સમગ્ર ભારતીય ડાયસ્પોરામાં હાહાકાર મચી ગયો હતો. 13મી જૂનના રોજ લંડનના વેમ્બલીમાં નીલ્ડ ક્રેસેન્ટ ખાતે ભારતના હૈદરાબાદની મૂળ વતની એવી 27 વર્ષીય મહિલાની ચાકૂ મારીને હત્યા કરાઇ હતી. ઇંગ્લેન્ડના નોટિંગહામમાં મંગળવારે સવારે થયેલા હિંસક હુમલામાં ભારતીય મૂળની 19 વર્ષીય ગ્રેસ કુમાર સહિત 19 વર્ષીય બાર્નાબી વિબર અને અન્ય એક 50 વર્ષીય વ્યક્તિની હત્યા કરી નાખવામાં આવી હતી. સાઉધમ્પ્ટન વે ખાતે ગયા શુક્રવારે મૂળ કેરળના વતની એવા 38 વર્ષીય અરવિંદ શશિકુમારની ચાકૂ મારીને હત્યા કરાઇ હતી.