મુસ્લિમ પોલીસ કર્મીઓ માટે આધુનિક મેગ્નેટિક હિજાબ તૈયાર કરાયો

લંડનઃ પોલીસ વિભાગમાં કામ કરતી મુસ્લિમ કર્મચારીઓ માટે આધુનિક બ્લૂ લાઇટ હિજાબ તૈયાર કરાયો છે. તેની મેગ્નેટિક ડિઝાઇન કર્મચારીનો શ્વાસ રૂંધાતો અટકાવે છે. 3 વર્ષની કામગીરી બાદ લેસ્ટરમાં આ હિજાબનું અનાવરણ કરાયું હતું. લેસ્ટર પોલીસમાં યોગ્ય એવા તમામ કર્મચારીને આ હિજાબ આપવામાં આવી રહ્યો છે અને દેશભરમાં પોલીસ કર્મીઓને આપવા માટે યુનિફોર્મ સપ્લાયરોની સાથે વાતચીત ચાલી રહી છે. લેસ્ટર પોલીસ અને દ મોન્ટફોર્ટ યુનિવર્સિટીના સહિયારા પ્રયાસથી આ હિજાબ તૈયાર કરાયો છે.