મેટ પોલીસના પૂર્વ અધિકારીને 12 મહિનાની સસ્પેન્ડેડ કેદ

લંડનઃ પોતાના હેતૂઓ માટે કોમ્પ્યુટર સિસ્ટમો પર બિનઅધિકૃત સર્ચ કરનારા મેટ્રોપોલિટન પોલીસના પૂર્વ અધિકારી મોહમ્મદ રહેમાનને 12 મહિનાની સસ્પેન્ડેડ કેદની સજા કરાઇ છે. રહેમાનને તેના આ અપરાધ માટે સાઉથવાર્ક ક્રાઉન કોર્ટ દ્વારા 100 કલાકની કોમ્યુનિટી સર્વિસ અને 20 દિવસ માટે રિહેબિલિટેશન એક્ટિવિટીની પણ સજા કરાઇ છે. પોતાની નોકરીમાં સાત આરોપો માટે રહેમાને પોતાને દોષી માન્યો હતો.