લંડન
મેટ્રોપોલિટન પોલીસે ટ્રાફિક સ્ટોપ દરમિયાન ડ્રાઇવરની વંશીયતાની નોંધ કરવાના નિર્ણય પર યુ ટર્ન લીધો છે. પોલીસની કામગીરીની પારદર્શકતા, જવાબદારી અને વિશ્વસનિયતા માચે મેયર દ્વારા શરૂ કરાયેલા એક્શન પ્લાનને હવે મેટ્રોપોલિટન પોલીસ પડતો મૂકવા જઇ રહી છે. મેટ્રોપોલિટન પોલીસને વંશીયતાને સંલગ્ન કોઇપણ પ્રકારની ખામીની ઓળખ માટે વ્હિકલ સ્ટોપ્સના સેમ્પલ્સની સમીક્ષા કરવા જણાવાયું હતું. પરંતુ પોલીસ અધિકારીઓનું કહેવું છે કે જ્યાં સુધી વાહન થોભે નહીં ત્યાં સુધી અમે જાણી શક્તા નથી કે વાહનમાં કોણ છે. તે ઉપરાંત તેમની વિગતો નોંધવામાં અમારા સમયની બરબાદી થાય છે. પાઇલટ પ્રોજેક્ટ દરમિયાન એકઠી કરાયેલી માહિતી અનુસાર રોડ ટ્રાફિકના અપરાધો માટે શ્વેત ડ્રાઇવરોને રોકવાની ઘટનાઓ ઘણી ઓછી હતી. તેમાં કોઇ વંશીય ભેદભાવ સામે આવ્યો નથી. તેથી હવે પોલીસ વંશીય રેકોર્ડ રાખવાનું બંધ કરી રહી છે.
