યુકે સ્થિત ગેંગસ્ટર નિશાન સિંહના બે સભ્યોની ભારતના પંજાબમાં ધરપકડ

લંડનઃ યુકે સ્થિત ગેંગસ્ટરની ભારતના પંજાબમાં સક્રિય ગેંગના બે સભ્યોની ફિરોઝપુર પોલીસ દ્વારા ધરપકડ કરાઇ છે. નિશાન સિંહ નામના ગેંગસ્ટર દ્વારા સંચાલિત ગેંગના આ સભ્યો પાસેથી હેન્ડ ગ્રેનેડ, પિસ્તોલ અને 4 કારતૂસ મળી આવ્યાં હતાં. આરોપીઓએ જણાવ્યું હતું કે, નિશાન સિંહના ઇશારે તેઓ અમૃતસરના એક પોલીસ અધિકારી અથવા પોલીસ સ્ટેશન પર હુમલો કરવાના હતા. પોલીસ આ ગેંગના વધુ સભ્યોને ઝડપી લેવા કાર્યવાહી કરી રહી છે.