યુકેની ટોચની યુનિવર્સિટીઓમાં ઇમ્પિરિયલ કોલેજ ઓફ લંડન પ્રથમ સ્થાને

લંડનઃ મેઇલઓનલાઇન દ્વારા યુકેની યુનિવર્સિટીઓને અપાયેલા રેન્કિંગમાં ઇમ્પિરિયલ કોલેજ ઓફ લંડનને યુકેની શ્રેષ્ઠ યુનિવર્સિટીનો ખિતાબ અપાયો છે. આ યાદીમાં ઓક્સફર્ડ યુનિવર્સિટીને દ્વિતીય અને કેમ્બ્રિજ યુનિવર્સિટીને તૃતીય સ્થાન અપાયું છે. ઇમ્પિરિયલ કોલેજ ઓફ લંડનની આ સિદ્ધી મહત્ત્વની છે કારણ કે છેલ્લા 30 વર્ષમાં બે જ વાર એવું બન્યું છે જ્યારે ઓક્સફર્ડ અથવા તો કેમ્બ્રિજ યુનિવર્સિટી પ્રથમ સ્થાને ન રહી હોય. ઇમ્પિરિયલ કોલેજમાં સાયન્સ, ટેકનોલોજી, એન્જિનિયરિંગ, મેથ્સ, મેડિસિન અને બિઝનેસ અભ્યાસક્રમોમાં મુખ્યત્વે સાઉથ કિંગ્સ્ટન, લંડન અને આસપાસના વિસ્તારોના 21000 કરતાં વધુ વિદ્યાર્થી અભ્યાસ કરે છે.