લંડનઃ બ્રિટનમાં ક્રિએટિવ લોકો અને ખેલાડીઓને એક વર્ષ સુધી કામ કરવાની પરવાનગી આપતી વિઝા સ્કીમ હોમ ઓફિસ દ્વારા શરૂ કરાઈ છે. નવી ગાઈડલાઈન્સ મુજબ આંતરરાષ્ટ્રીય ખ્યાતિ અને દરજ્જો ધરાવતી તેમજ અગાઉથી કામકાજ બુક કરેલું હોય તેવા મોડેલ્સને ક્રિએટિવ ટેમ્પરરી વર્કર્સ માટેના ટીયર ૫ વિઝા હેઠળ બ્રિટનમાં પ્રવેશ અપાશે.
તેને પગલે આ સમરમાં સાયન્સ, હૃયુમેનિટીઝ અને આર્ટ્સના હાઈ સ્કીલ્ડ લોકો માટેના ટીયર ૧ હેઠળના વિઝામાં ફેશન ડિઝાઈનર્સ અને આર્કિટેક્ટ્સનો સમાવેશ કરાયો છે. ફેશન ડિઝાઈનર્સ પાંચ વર્ષના વિઝા માટે અરજી કરી શકશે.