યુકેમાં પહેલીવાર કાર પાર્ક ઓપરેટર યુરો કાર પાર્ક્સને 4,73,000 પાઉન્ડનો દંડ

લંડનઃ યુકેમાં પહેલીવાર મોટી કાર પાર્ક ઓપરેટર કંપનીને 4,73,000 પાઉન્ડનો દંડ ફટકારવામાં આવ્યો છે. કોમ્પિટિશન એન્ડ માર્કેટ્સ ઓથોરિટી તરફથી મળેલી લીગલ ઇન્ફર્મેશન નોટિસોનો જવાબ આપવામાં નિષ્ફળતા માટે યુરો કાર પાર્ક્સને આ દંડ ફટકારવામાં આવ્યો છે. ઓથોરિટીને તાજેતરમાં જ દંડ કરવાની નવી સત્તા આપવામાં આવી છે તે અંતર્ગત આ દંડ ફટકારાયો છે. ઓથોરિટી દ્વારા તપાસ શરૂ કરવા માટેની સમીક્ષા માટે આ નોટિસ પાઠવવામાં આવે છે. કંપનીઓ આ પ્રકારની નોટિસોનો ફરજિયાત જવાબ આપવા માટે કાનૂની રીતે બંધાયેલી હોય છે.