રાજ્યાશ્રય મેળવવામાં નિષ્ફળ માઇગ્રન્ટ્સને નોટિસ વિના જ દેશનિકાલ કરાશે

હાલમાં પાંચ વર્કિંગ ડે પહેલાં નોટિસ આપવાનો નિયમ છે

Tuesday 17th November 2026 09:48 EST
 

લંડનઃ અસાયલમ અરજી નકારી કઢાઇ હોય તેવા માઇગ્રન્ટ્સને દેશનિકાલ કરતાં પહેલાં અગાઉથી નોટિસ આપવી ફરજિયાત રહેશે નહીં. સરકાર હવે આ માટે કાયદામાં સુધારો કરવા જઇ રહી છે. હાલના નિયમ મુજબ, આવા લોકોને પાંચ કામકાજના દિવસોની નોટિસ આપવામાં આવે છે, પરંતુ સરકારનું માનવું છે કે આ સમયગાળાનો ઉપયોગ કરીને લોકો છેલ્લી ઘડીએ અપીલ કરે છે, જેના કારણે દેશનિકાલની પ્રક્રિયામાં વિલંબ થાય છે. હોમ સેક્રેટરી શબાના માહમૂદ સંસદમાં હાલમાં ચાલી રહેલા ઇમિગ્રેશન એન્ડ અસાયલમ બિલ'માં સુધારો કરીને આ ફેરફાર લાગુ કરશે.

નવા નિયમો મુજબ, એકવાર રાજ્યાશ્રયનો દાવો ફગાવી દેવાયા બાદ હોમ ઓફિસ પાસે અરજદારને કોઈપણ પૂર્વ સૂચના આપ્યા વિના દેશમાંથી બહાર કાઢવા માટે છ મહિનાનો સમય રહેશે. આ સુધારાથી એવા લોકો માટે નોટિસ આપવાની જરૂરિયાત સમાપ્ત થઈ જશે જેમણે રાજ્યાશ્રય માટેની અપીલના તમામ કાયદાકીય વિકલ્પો પૂરા કરી લીધા છે.


comments powered by Disqus



to the free, weekly Gujarat Samachar email newsletter