રિશી સુનાક બ્રિટનના સૌથી યુવા વડાપ્રધાન

લંડન

બ્રિટનના આધુનિક રાજકીય ઇતિહાસમાં રિશી સુનાક સૌથી યુવા વડાપ્રધાન બની રહ્યાં છે. 42 વર્ષીય સુનાકે 2010માં 43 વર્ષની વયે વડાપ્રધાન બનેલા ડેવિડ કેમેરૂનનો સૌથી યુવા વડાપ્રધાનનો રેકોર્ડ તોડી નાખ્યો છે. તે પહેલાં 1997માં ટોની બ્લેર 43 વર્ષની વયે બ્રિટનના સૌથી યુવા વડાપ્રધાન બન્યા હતા. તાજેતરમાં રાજીનામુ આપનારા લિઝ ટ્રસની ઉંમર 47 વર્ષ હતી. આ પહેલાં 1900થી અત્યાર સુધીમાં ફક્ત બે વડાપ્રધાન 50 વર્ષથી ઓછી વયના હતા. 1990માં 47 વર્ષીય જોન મેજર અને 1964માં 48 વર્ષીય હેરોલ્ડ વિલ્સન વડાપ્રધાન બન્યાં હતાં.