લંડનઃ સ્લાઉની બસ ડ્રાઇવર, બોક્સર સંગીતા બીરડી રિંગમાં ઇતિહાસ રચવા જઇ રહ્યાં છે. સંગીતા બોક્સિંગમાં વર્લ્ડ ચેમ્પિયનશિપ જીતનારી પ્રથમ પંજાબી શીખ મહિલા બનવા માગે છે. કેનેડાના ટોરોન્ટોમાં જન્મેલા સંગીતા 10 વર્ષની વયે જ યુકે આવી ગયા હતા. 20 વર્ષની વયે ફિલ્મમાં આમિર ખાનની ફાઇટ જોઇને બોક્સિંગ પ્રત્યે આકર્ષાયા હતા. સંગીતા કહે છે કે મેં પહેલાં ક્યારેય બોક્સિંગ જોઇ નહોતી પરંતુ જોયા બાદ તેના પ્રેમમાં પડી ગઇ હતી.
અત્યાર સુધીમાં સંગીતા ડબલ્યુબીસી ઓફ ઇન્ડિયા, પીએસટી ઓફ ટાન્ઝાનિયા અને ઇન્ટરનેશનલ યુબીએલ ટાઇટલ જીતી ચૂક્યાં છે. બોક્સર તરીકે સફળતા હાંસલ કર્યા છતાં સંગીતા લંડનમાં બસ ડ્રાઇવર તરીકે ફૂલટાઇમ સેવાઓ આપે છે.
