વોન્ટેડને ઝડપવા પોલીસે જનતાની મદદ માગી

લંડનઃ પોલીસને ડ્રગ કેસના આરોપી માનવિન્દરસિંહ ગિલની તલાશ છે. પોલીસના જણાવ્યા અનુસાર ગિલ લેસ્ટરશાયરમાં હોવાની માહિતી મળી છે. જો કોઇને તેના અંગે જાણ હોય તો ટ્રાન્સપોર્ટ પોલીસને જાણ કરવા અપીલ કરાઇ છે. 23 વર્ષીય ગિલ 9 નવેમ્બરના રોજ આયલ્સબરી ક્રાઉન કોર્ટમાં હાજર થયો નહોતો. તેના પર ડ્રગ્સ સપ્લાય કરવાનો આરોપ છે. હાલ ગિલ ક્યાં છે તેની કોઇને જાણ નથી તેના પગલે પોલીસે જનતાની મદદ માગી છે.