લંડનઃ હેલ્થ એન્ડ સોશિયલ કેર સેક્રેટરી કૂપરે આગામી બે વર્ષમાં શ્યોર સ્ટાર્ટ સેવાઓનું વિસ્તરણ કરવાની જાહેરાત કરી છે. લેબર કોન્ફરન્સને સંબોધતા કૂપરે જણાવ્યું હતું કે શ્યોર સ્ટાર્ટ લેબર પાર્ટીની સૌથી મોટી સિદ્ધિઓ પૈકીની એક રહી છે. અમે આગામી બે વર્ષમાં 1,000 જેટલા ફેમિલી હબ સુધી પહોંચીને દરેક ફેમિલી સેન્ટરમાં શ્યોર સ્ટાર્ટ હેલ્થ સર્વિસીસ પુનઃ શરૂ કરીશું.
ઉલ્લેખનીય છે કે વર્ષ 1998માં તત્કાલીન ટોની બ્લેર સરકાર દ્વારા આ યોજના શરૂ કરવામાં આવી હતી, જેમાં કૂપર પોતે હેલ્થ સેક્રેટરી હતા. ત્યારબાદ 2010માં સત્તા પર આવેલી કન્ઝર્વેટિવ-લિબ ડેમ ગઠબંધન સરકાર દ્વારા આ સેવાઓ ધીમે ધીમે બંધ કરવામાં આવી હતી.
