સમગ્ર યુકેમાં રોયલ મેઇલના સૌર ઉર્જા સંચાલિત પોસ્ટ બોક્સનો પ્રારંભ

લંડનઃ રોયલ મેઇલ દ્વારા સમગ્ર યુકેમાં 3500 જેટલાં સૌર ઉર્જા સંચાલિત પોસ્ટ બોક્સ સ્થાપિત કરાયાં છે. રોયલ મેઇલના 175 વર્ષના ઇતિહાસમાં પોસ્ટ બોક્સની ડિઝાઇનમાં કરાયેલો આ સૌથી મોટો બદલાવ છે. નવા પોસ્ટ બોક્સમાં ડિજિટલી ઓપરેટેડ ડ્રોપ ડાઉન ડ્રોઅરની સુવિધા છે જેના દ્વારા ક્સ્ટમર્સ શૂ બોક્સ જેટલાં મોટા પાર્સલ પણ મોકલી શકશે. આ માટે રોયલ મેઇલના એપ પર બારકોડ સ્કેન કરવાનો રહેશે જેના દ્વારા ડ્રોઅર ખોલી શકાશે. પોસ્ટ કર્યાનો પુરાવો અને ટ્રેકિંગ એપ પર ઉપલબ્ધ થશે.