લંડનઃલેન્કેસ્ટર યુનિવર્સિટીના બીજા વર્ષના ઇકોનોમિક્સ સ્ટુડન્ટ સાઇ કારુમુરી દ્વારા હિન્દુ પ્રેયર રૂમની સ્થાપના કરવામાં આવી છે. આ માટેના અભિયાનનું નેતૃત્વ તેણે લીધું હતું અને તેમાં સફળતા પ્રાપ્ત કરી છે. તે માને છે કે ધાર્મિક સહિષ્ણુતા માટે મેં વાસ્તવિકતા, પૂજા સ્થળની સ્થાપના, સાંસ્કૃતિક આદાન પ્રદાન અને શિક્ષણ પર ધ્યાન કેન્દ્રિત કર્યું હતું.
કારુમુરી કહે છે કે હું હંમેશા સમાજમાં રહેલા મતભેદ દૂર કરવાના પ્રયાસ કરું છું. હાઇસ્કૂલના હેડ બોય તરીકે મેં સ્કૂલમાં દિવાળીની ઉજવણી શરૂ કરાવી હતી. આજે તે સ્કૂલમાં દિવાળીની ઉજવણી પરંપરા બની ગઇ છે. બધા સાથે મળીને ઉજવણી કરે છે.
યુનિવર્સિટી ખાતે પણ હું ફક્ત પૂજા માટે સ્થળ તૈયાર કરવા નહોતો ઇચ્છતો પરંતુ તેના દ્વારા લોકોને આપણી પરંપરાઓની માહિતી મળી રહે તેવા પ્રયાસ કરતો હતો. મારો લક્ષ્યાંક ફક્ત પૂજા સ્થળ નહીં પરંતુ સાંસ્કૃતિક આદાન પ્રદાનનું સ્થળ તૈયાર કરવાનો હતો.
