લંડનઃ યુનાઈટેડ કિંગ્ડમના ચાર દેશ- ઈંગ્લેન્ડ, વેલ્સ, સ્કોટલેન્ડ અને નોર્ધર્ન આયર્લેન્ડમાં કોવિડ-૧૯ રોગચાળાને સંબંધિત અલગ અલગ નિયંત્રણો જાહેર કરાયેલા છે.
ઈંગ્લેન્ડઃ વડા પ્રધાન બોરિસ જ્હોન્સને ૧૨ ઓક્ટોબરથી થ્રી-ટિયરના લોકડાઉન નિયંત્રણો દાખલ કર્યા છે• સમગ્ર યુકેમાં ૧૨ સપ્ટેમ્બરથી છ વ્યક્તિ કરતા વધુ લોકોનું ગ્રૂપ મળી ન શકે તેમજ ૨૪ સપ્ટેમ્બરથી પબ્સમાં રાતના ૧૦ વાગ્યાથી કરફ્યૂ લગાવી દેવાયો હતો.• મોટા ભાગના ઈંગ્લેન્ડમાં ટિયર-૧ હેઠળ આ નિયમો અમલી છે • ટિયર-૨માં લંડન, એસેક્સનો કેટલોક વિસ્તાર, નોર્થ વેસ્ટમાં વેસ્ટ યોર્કશાયરમાં અને મિડલેન્ડ્સના કેટલાક વિસ્તાર છે • ટિયર-૨ નિયંત્રણોમાં લોકોને પોતાના ઘર કે બાયો બબલની બહાર કોઈની સાથે મેળમિલાપ પર પ્રતિબંધ છે • ટિયર-૩માં સમગ્ર ગ્રેટર માન્ચેસ્ટર, લેન્કેશાયર, સાઉથ યોર્કશાયર અને મર્સીસાઈડના કેટલાક વિસ્તારોનો સમાવેશ થાય છે • રવિવારની સવારથી સ્ટોક-ઓન-ટ્રેન્ટ, કોવેન્ટ્રી અને સ્લાઉને ટિયર-૩માં મૂકી દેવાશે • રેસ્ટોરાં સિવાય પબ્સ અને બાર બંધ રહેશે.
વેલ્સઃ શુક્રવાર ૨૩ ઓક્ટોબરથી વેલ્સમાં સર્કિટ બ્રેકર નિયંત્રણો અમલમાં આવ્યાં છે. • નિયંત્રણો ઓછામાં ઓછાં સોમવાર ૯ નવેમ્બર સુધી અમલમાં રહેશે. • યુકેમાં ૧૨ સપ્ટેમ્બરથી નવા કોવિડ-૧૯ નિયંત્રણો (રુલ ઓફ સિક્સ અને રાતના ૧૦ વાગ્યાથી કરફ્યૂ) અમલમાં આવ્યા હતા પરંતુ, વેલ્સમાં બાળકોનો ૬ વ્યક્તિના જૂથમાં સમાવેશ કરાતો નથી • રાતના ૧૦ વાગ્યાથી આલ્કોહોલના વેચાણ પર પ્રતિબંધ છે.
સ્કોટલેન્ડઃ • ૨૫ સપ્ટેમ્બરથી ઘરોમાં સામાજિક મેળમિલાપ પર પ્રતિબંધ લગાવાયો છે • ઘરની બહાર રુલ ઓફ સિક્સનો અમલ પરંતુ, ૧૨ વર્ષથી નીચેના બાળકો આ મર્યાદામાંથી બહાર રખાયા છે.• છ અલગ પરિવારના ૧૨-૧૭ વયજૂથના બાળકો ઘરની બહાર છ જેટલા ગ્રૂપ્સમાં મળી શકશે પરંતુ, સોશિયલ ડિસ્ટન્સ જાળવવું આવશ્યક • ૯ ઓક્ટોબરે સેન્ટ્રલ બેલ્ટના પાંચ વિસ્તારો- ગ્રેટર ગ્લાસગો એન્ડ ક્લાઈડ, લેનાર્કશાયર, આયરશાયર એન્ડ આરાન, લોથિઆન અને ફોર્થ વેલીમાં ૧૬ દિવસ માટે પબ્સ બંધ કરવાનો આદેશ કરાયો હતો. • આ વિસ્તારોમાં સ્નૂકર અને પૂલ હોલ્સ, ઈનડોર બોલિંગ એલીઝ, કેસિનો અને બિન્ગો હોલ્સ પણ બંધ કરાયા હતા. • સ્કોટલેન્ડના અન્ય વિસ્તારોમાં સવારના ૬થી સાંજના ૬ સુધી ઈનડોર સર્વિસ અને આઉટડોર સર્વિસ રાતના ૧૦ વાગ્યા સુધી ચાલુ રખાઈ હતી. • સ્કોટલેન્ડ ૨ નવેમ્બરથી વાઈરસ એલર્ટની પાંચ સ્તરીય સિસ્ટમ દાખલ કરશે.
નોર્ધર્ન આયર્લેન્ડઃ નોર્ધર્ન આયર્લેન્ડ હાલ ‘સર્કિટ બ્રેકર’ લોકડાઉન હેઠળ છે. ૧૬ ઓક્ટોબરે દાખલ કરાયેલા નિયંત્રણો ચાર સપ્તાહ સુધી અમલમાં રહેશે. • રેસ્ટોરાં અને પબ્સ માત્ર ટેઈકઅવે અથવા ડિલિવરીની જ ઓઓફર કરી શકશે • અનાવશ્યક પ્રવાસ નહિ કરવાની સલાહ • ૧૯ ઓક્ટોબરથી તમામ શાળાઓ બંધ છે અને ૨ નવેમ્બર સુધી ખોલાશે નહિ. • ૨૪ સપ્ટેમ્બરથી ઈંગ્લેન્ડમાં જાહેર કરાયેલા રુલ ઓફ સિક્સનો અમલ અને ઘરોમાં સામાજિક મેળમિલાપ પર પ્રતિબંધ લગાવાયો છે.
(સંપૂર્ણ નિયમો માટે સરકારી વેબસાઈટની મુલાકાત લઈ શકાશે)
