સંસ્થા સમાચાર

• BAPS લંડન મંદિરમાં મહા શિવરાત્રિ નિમિત્તે મહારુદ્રાભિષેક - અન્નકૂટઃ BAPS શ્રી સ્વામીનારાયણ મંદિર, લંડન દ્વારા તા.૧.૩.૨૦૨૨ને મંગળવારે મહા શિવરાત્રિના પવિત્ર પર્વ નિમિત્તે વિશેષ પૂજા અર્ચનાનું આયોજન કરાયું છે. મંદિરમાં સવારે ૯થી રાત્રે ૮ સુધી મહારુદ્રાભિષેક તથા સવારે ૯થી રાત્રે ૮ સુધી અન્નકૂટ દર્શનનું આયોજન કરાયું છે. દર્શનાર્થીઓને ભગવાન મહાદેવના શિવલિંગ પર બીલીપત્ર અને દૂધ દ્વારા વૈદિક મહારુદ્રાભિષેક કરવાનો તથા અન્નકૂટ દર્શનનો લાભ મળશે. આ પર્વે મંદિરની હવેલીમાં ભગવાન શ્રી અમરનાથના પ્રતિક સ્વરૂપે બરફના શિવલિંગના દર્શન પણ થશે. સંપર્ક. 020 8965 2651

• VHP ઈલ્ફર્ડ હિંદુ સેન્ટર, ૪૩ ક્લેવલેન્ડ રોડ, ઈલ્ફર્ડ IG1 1EE ખાતે મંદિરનો નવો સમયઃ દર્શન સવારે ૯.૩૦થી બપોરે ૧ અને સાંજે ૬થી ૮ - આરતી સવારે ૧૦ વાગે અને સાંજે ૭.૧૫ વાગે. તા. ૨૬.૨.૨૨ શનિવારે ૧૦૮ હનુમાન ચાલીસા, તા.૧.૩.૨૨ મહાશિવરાત્રિની ઉજવણી થશે. દર ગુરુવારે સિનિયર પુરુષોની થર્સ ડે લંચ મિટીંગ. સંપર્ક. 020 8553 5471

• BAPSની સિરીઝનું ઈન – પર્સન સ્ક્રિનિંગઃ લંડન મંદિર અને તેના સર્જક વિશેની અગાઉ ન કહેવાયેલી ગાથાઓેને રજૂ કરતી ‘The First of its Kind’ સિરીઝના ૧૦મા એપિસોડ ‘Race against Time’નું ૨૩ ફેબ્રુઆરીને બુધવારે સ્ક્રિનિંગ કરાશે. આ સિરીઝનો ૧૧મો એપિસોડ ‘Vision Fulfilled’ સૌથી મહત્ત્વનો છે. તેમાં મંદિર મહોત્સવના પ્રારંભની વાતો છે. તેના સ્પેશિયલ ઈન – પર્સન સ્ક્રિનિંગનું BAPS શ્રી સ્વામીનારાયણ મંદિર નીસડન (લંડન) ખાતે તા.૫ અને તા. ૬ માર્ચ ૨૦૨૨ના રોજ આયોજન કરાયું છે. સૌને અઢી કલાકનો આ ખાસ એપિસોડ માણવા આમંત્રણ છે. બન્ને દિવસે સવારે ૧૦ થી રાત્રે ૧૧ સુધી પાંચ શો દર્શાવવામાં આવશે. શો નિહાળવા માટે બુકિંગ જરૂરી છે. (૧૦૯)