લંડનઃ સ્કોટિશ સરકારે શરૂ કરેલી યોજના હેઠળ સ્કૂલો, કોલેજો અને યુનિવર્સિટીઓમાં વિદ્યાર્થિનીઓ મફત સેનિટરી પ્રોડક્ટ્સ મેળવી શકશે. સરકારે ૫.૨ મિલિયન પાઉન્ડના ભંડોળ સાથેની આ યોજના વિશ્વની પ્રથમ હોવાનો દાવો કર્યો હતો.
શિક્ષણ ક્ષેત્રમાં ૩૯૫,૦૦૦ છોકરીઓ અને મહિલાઓમાં ‘પિરિયડ પોવર્ટી’ નો અંત લાવવાનો આ યોજનાનો હેતુ છે. ચેરિટી ‘ફેરશેર’ને પણ ઓછી આવક ધરાવતા પરિવારોની મહિલાઓને સેનિટરી પ્રોડક્ટ્સ ખરીદવામાં મદદરૂપ થવા માટે ૫૦૦,૦૦૦ પાઉન્ડ અપાયા હતા.
