હિન્દુ કાઉન્સિલ બ્રેન્ટ દ્વારા ગત તા. ૫મી માર્ચના રોજ કિંગ્સબરી રોડ સ્થિત રો ગ્રીન પાર્ક ખાતે હોળી મહોત્સવની શ્રધ્ધાપૂર્વક ઉજવણી કરાઇ હતી.
આ પ્રસંગે સાંજે ૬ કલાકે પ્રારંભે હોળી માતાની પૂજા કરવામાં આવી હતી અને તે પછી સ્થાનિક વેપારીઅો અને સ્પોન્સરર દ્વારા હોળી પ્રગટાવવામાં આવી હતી. આ પ્રસંગે મોટી સંખ્યામાં અબાલ વૃધ્ધ સૌએ તંદુરસ્ત જીવન માટે પૂજા અર્ચના કરી હતી. હિન્દુ કાઉન્સિલ બ્રેન્ટ દ્વારા છેલ્લા ૩૨ વર્ષથી હોળી મહોત્સવની ઉજવણી કરવામાં આવે છે અને આશરે ૧૫૦૦-૨૦૦૦ લોકો દર વર્ષે ભાગ લે છે.
