વાંચો, આ સપ્તાહે આપના ગ્રહોનું ફળકથન...
• મેષ (અ,લ,ઇ)ઃ સપ્તાહ દરમિયાન તમારા પરિવારમાં પ્રવર્તતી ગેરસમજ દૂર કરી શકશો. પરિવારનું વાતાવરણ આનંદમય બનશે. નોકરિયાતને આ સમયમાં કોઈ સારા સમાચાર મળી શકે છે. કરિયરને લગતા પ્રશ્નોનું નિરાકરણ મળી રહેશે. વ્યવસાય જગતમાં નવી યોજના અને નવા રોકાણ થકી લાભ મેળવશો. નાણા મામલે આ સમય થોડો ખર્ચાળ સાબિત થઈ શકે છે. નવા વાહનની ખરીદી કે ઘરમાં રિનોવેશન માટે ખર્ચ થાય.
• વૃષભ (બ,વ,ઉ)ઃ આળસ ખંખેરીને વધુ મહેનત કરશો તો દરેક કાર્ય સરળતાથી કરી શકશો. આળસવૃત્તિને કારણે કામો અટકી શકે છે. આર્થિક સ્થિતિમાં સુધારો જોઈ શકશો. વ્યવસાય-ઉદ્યોગમાં અટવાયેલા કામકાજો ફરીથી શરૂ થશે. કોઈ યોગ્ય સલાહકારની મદદથી કામ આગળ ધપાવશો તો સફળ થઈ શકશો. નોકરિયાત વર્ગને પ્રગતિકારક તકો હાથ લાગી શકે છે. પારિવારિક પ્રસંગોને કારણે વ્યસ્તતા વધતી જોવા મળશે.
• મિથુન (ક,છ,ઘ)ઃ આ સપ્તાહે થોડી બેચેની રહે અને ઉર્જાની ઉણપ વર્તાય. થોડું ટેન્શનવાળું વાતાવરણ જોવા મળે. તમારું ધ્યાન અન્ય બાબતોમાં વાળશો તો થોડીઘણી રાહત મેળવશો. નોકિરયાત વ્યક્તિ કોઈ પ્રોજેક્ટ પર કામ કરી રહ્યા હોય એમાં થોડો વિલંબ થતો જણાય. વ્યવસાયમાં કોર્ટ-કચેરી સંબંધિત પ્રશ્નોનો ઉકેલ લાવી શકશો. સ્વાસ્થ્ય સંબંધિત થોડીઘણી સમસ્યા જોવા મળે.
• કર્ક (ડ,હ)ઃ સપ્તાહ દરમિયાન તમારા રોજિંદા વ્યવહારમાં થોડા બદલાવ લાવવા જરૂરી બનશે. સ્વાસ્થ્ય સાથે કોઈ પણ જાતની લાપરવાહી નુકસાની લાવી શકે છે. આર્થિક સમસ્યાનો ઉકેલ લાવવામાં સફળ થશો. તમારી જરૂરતને પહોંચી વળવા માટે નાણાકીય વ્યવસ્થા કરી શકશો. નોકરી-વ્યવસાયમાં પરિસ્થિતિ યથાવત્ રહેશે. બિનજરૂરી ખર્ચાઓ ટાળવા જરૂરી.
• સિંહ (મ,ટ): આ સપ્તાહે ગ્રહોની પરિસ્થિતિ સાનુકૂળ બનતી જણાશે. અજાણી વ્યક્તિ સાથેની મુલાકાત જીવનભરનું સંભારણું બની શકે છે. નાણાકીય બાબતોમાં થોડી ચોકસાઈ રાખીને કામ કરવું જરૂરી છે. વ્યવસાયમાં કોઈની ઉપર અતિ વિશ્વાસુ બનીને કામ સોંપી દેવાનું ટાળજો, નહીં તો તમારે જ નુકસાન સહન કરવું પડે. નોકરીમાં જગ્યાની ફેરબદલી અથવા તો ઇન્ટરવ્યૂની તૈયારી કરતા હો તો સફળતાના યોગ છે.
• કન્યા (પ,ઠ,ણ)ઃ પારિવારિક ઝઘડા મોટું સ્વરૂપ ધારણ ના કરે તેની ખાસ કાળજી તમારે જ રાખવી પડશે. નહીં તો વિવાદ ઓર વધી શકે છે. કાર્ય સંબંધિત લક્ષ્ય સમયસર પુરા કરવા માટે ભાગદોડ વધતી જણાય. કામનું પ્રેશર પણ જણાય. વ્યવસાયિક ક્ષેત્રે કોઈ નવા રોકાણો કે નવા પ્રોજેક્ટ્સ પર કામ શરૂ થવાની સંભાવના રહેશે. જોકે કાયદાકીય દાવપેચમાંથી પણ પસાર થવું પડે. નાણાકીય રીતે સમય મધ્યમ રહેતો જોવા મળશે.
• તુલા (ર,ત)ઃ કોઈપણ નિર્ણય ઉતાવળે લેવાને બદલે શાંતચિત્તે લેશો તો લાભદાયક પરિણામ મેળવશો. જમીન-મકાનને લગતા કામકાજમાં દસ્તાવેજ સંબંધિત કાર્યવાહી પણ ધ્યાનથી કરવી જરૂરી. નાણાકીય રીતે આ સમય તમને સાથ આપશે. ફસાયેલાં નાણાં પાછા મેળવશો. પરિવાર અને જીવનસાથી તરફથી પૂરેપૂરો સહયોગ પ્રાપ્ત કરશો. નોકરી-વ્યવસાયમાં કામને કારણે એકથી બીજા સ્થળે ભાગદોડમાં વધારો જોવા મળે.
• વૃશ્ચિક (ન,ય)ઃ તમે તમારી ક્ષમતા કરતા વધુ કામગીરી કરી રહ્યા છો જેને કારણે તન-મનથી થાકનો અનુભવ થાય. થોડો રાહતનો શ્વાસ લો અને જરૂર પૂરતી કામગીરી કરો. નોકરિયાતને ઉપરી અધિકારી સાથેના સંબંધોમાં હવે વધુ સુમેળ જોવા મળે. વ્યવસાય-ઉદ્યોગમાં રોજબરોજના કાર્યો પર પણ ધ્યાન આપવું જરૂરી. કાયદાકીય દાવપેચમાંથી બહાર નીકળવા માટેના રસ્તાઓ ખુલ્લા થતાં જોઈ શકશો.
• ધન (ભ,ફ,ધ,ઢ)ઃ સપ્તાહ દરમિયાન સારોએવો સમય ઘરની દેખરેખ કે સુધારાને લગતી ગતિવિધિમાં પસાર થાય. આર્થિક મુદ્દે જોઇએ તો, કોઈને ઉછીના આપેલા નાણાં પરત મેળવી શકશો. વ્યવસાયમાં પોતાના લક્ષ્યને ધ્યાનમાં રાખી આગળની કામગીરી કરવા સલાહ રહેશે. નોકરીમાં બદલી-બઢતીના અટવાયેલા કામકાજો હવે ઉકેલાય. પરિવાર સાથે થોડો વધુ સમય પસાર કરશો. વિદ્યાર્થીઓને કોઈ શુભ સમાચાર મળે.
• મકર (ખ,જ)ઃ તમારો આ સમય થોડો કસોટીવાળો રહેશે. જોકે તમે સૂઝબૂઝથી દરેક કસોટીમાંથી પાર ઉતરી શકશો. વ્યવસાય જગતમાં બદલાતી પરિસ્થિતિ સાથે નવી નીતિથી કામ કરશો તેમાં લાભમાં રહેશો. નોકરીના ક્ષેત્રમાં સહકર્મચારી સાથે નજીવી બાબતે રકઝક થાય એવા સંજોગ બની શકે છે. જીવનસાથી સાથેના સંબંધમાં સુધારો જોવા મળે. જોકે સ્વાસ્થ્યને લઈને થોડી સમસ્યા રહેશે.
• કુંભ (ગ,શ,સ,ષ)ઃ આ સપ્તાહે પરિવાર સાથે કોઈ ધાર્મક સ્થળની મુલાકાત લઈ શકો છો. જે આપને ખૂબ જ રાહત અને ચેતનાનો અનુભવ કરાવે. આર્થિક મામલે કોઈ નજીકની વ્યક્તિની મદદથી ગૂંચવાયેલા પ્રશ્નોનો હલ લાવી શકશો. વ્યવસાયિકોને થોડાઘણાં પરિવર્તનો જોવા મળશે. તમારાં માન-સન્માનમાં પણ વધારો થાય. નોકરી માટે જે પ્રયાસો તમે કરી રહ્યા છો તે હવે સફળ થતાં જોઈ શકશો.
• મીન (દ,ચ,ઝ,થ)ઃ આ સપ્તાહે કામનું ભારણ જોવા મળે, જેના કારણે તમારો સ્વભાવ પણ બદલાતો જોઈ શકશો. ચીડિયાપણું, ગુસ્સો, ટેન્શન વર્તાય. નાણાકીય રીતે સમય સારો રહેશે. કામનું વળતર પણ સારું મેળવશો. જો કોઈ જગ્યાએ રોકાણનું વિચારતા હશો તો એ પણ શક્ય બનશે. વ્યવસાયમાં કોઈપણ લેવડદેવડ વેળાં પૂરતી કાળજી સાથે આગળ વધશો. નોકરીમાં પરિવર્તનની ઈચ્છા સાકાર થતી જોવા મળે. સંતાનોની બાબતમાં કોઈ મહત્ત્વપૂર્ણ નિર્ણયો માટે વિચારપૂર્વક આગળ વધશો.
