• મેષ (અ,લ,ઇ)ઃ સ્વાસ્થ્યને મુદ્દે તમારું આ સપ્તાહ ઘણું સારું હશે. નાની-મોટી સ્વાસ્થ્ય સંબંધિત સમસ્યાનો અંત આવશે. જમીન-મકાન અથવા તો કોઈ સંપત્તિ વિષયક પ્રશ્નોને હવે પૂર્ણ રીતે સોલ્વ કરી શકશો. તેના દ્વારા આર્થિક સ્થિતિમાં પણ લાભદાયી ફેરફાર જોવા મળશે. વ્યવસાય-નોકરીમાં તમારા શત્રુઓ અથવા તો હરીફને હરાવવામાં હવે સફળતાના યોગ છે. વિદ્યાર્થીઓને શરૂ થતાં નવા વર્ષમાં થોડી દોડધામ વધશે. નવા મિત્રો બનાવવામાં સફળ થઈ શકશો.
• વૃષભ (બ,વ,ઉ)ઃ સપ્તાહ દરમિયાન કામકાજને લઈને અથવા તો કોઈ અંગત કારણસર અચાનક પરદેશ પ્રવાસ કરવો પડશે. નોકરી-વ્યવસાયમાં કામનું ભારણ પણ વધતું જોવા મળશે. આર્થિક રીતે હવે મુશ્કેલીઓનો અંત લાવવામાં આપ સફળ થશો. સ્વાસ્થ્યને લઈને હવે વધુ સજાગ થવું જરૂરી છે. જો કોઈ વ્યસન હોય તો વહેલી તકે એને છોડવાના પ્રયત્નો શરૂ કરી દેજો. વિદ્યાર્થીઓને સ્પર્ધાતમક પરીક્ષાઓ માટે વધુ મહેનત કરવી પડશે.
• મિથુન (ક,છ,ઘ)ઃ આ સપ્તાહે જો શક્ય હોય તો વિના કારણ મુસાફરી ટાળજો. આપની શક્તિ અને સામર્થ્ય મુજબના જ કામ હાથ ધરો તે સલાહભર્યું છે. ધંધા-વ્યવસાયમાં મહત્ત્વપૂર્ણ નિર્ણય લેવામાં દરેક કર્મચારીને સાથે રાખીને આગળ વધશો તો અવશ્ય ફાયદો મેળવી શકશો. નાણાકીય લાભ મેળવવા માટે હજી થોડો સમય રાહ જોવી પડશે. લગ્નજીવનનો ખટરાગ દૂર કરવા માટેના પ્રયત્નોની શરૂઆત તમારે જ કરવી પડશે. વિઝાને લગતી કામગીરીમાં કોઈ ઉતાવળા નિર્ણય લેશો નહીં.
• કર્ક (ડ,હ)ઃ આ સમય નસીબવંતો સાબિત થઈ શકે છે. જો આપ એનો યોગ્ય ઉપયોગ કરશો તો ફાયદો જ ફાયદો રહેશે. કેટલાક અણધાર્યા પરિણામો મેળવવામાં આપ અહીં સફળ થાવ. નોકરી-વ્યવસાયમાં આપના કામની પ્રશંસા થાય. ધંધા-ઉદ્યોગમાં કોઈ મોટા મૂડીરોકાણ માટેની જોગવાઈ કરવામાં આપ સફળ થઈ શકશો. વિદ્યાર્થીઓએ જો કોઈ નવી જગ્યાએ શિફ્ટ થવાનું હોય તો થોડી કાળજી રાખવી જરૂરી. ઘરથી દૂર રહેવાની પરિસ્થિતિ હજી આપ સ્વીકારી શકશો નહીં.
• સિંહ (મ,ટ): સપ્તાહની શરૂઆત થોડી માનસિક તેમજ સ્વાસ્થ્ય સંબંધિત પરેશાન કરનારી રહેશે. જોકે બાદમાં આપ પરિસ્થિતિ ઉપર કંટ્રોલ મેળવી શકશો. કોઈ લેણાં કે ઉઘરાણીનાં બાકી નીકળતા નાણાં હવે આપ પરત મેળવી શકો છો. આપના ખર્ચાઓને પહોંચી વળવામાં સરળતા વર્તાશે. નોકરિયાત વર્ગે થોડી વધુ સાવધાની રાખવી. ધંધા-વ્યવસાયમાં ભાગીદારીથી નુકસાન થાય. મિલકત સંબંધિત કોર્ટ-કચેરીના કાર્યોમાં હજી થોડી પરેશાની ઊભી થતી જોવા મળશે. આપના તરફથી એ વિષયમાં થોડી વધુ સાવધાની રાખવાનું સલાહભર્યું છે.
• કન્યા (પ,ઠ,ણ)ઃ સપ્તાહમાં મહત્ત્વપૂર્ણ નિર્ણય લેતાં પહેલાં વડીલો સાથે ચર્ચા-વિચારણા અચૂક કરજો. નાણાકીય સ્થિતિ જૈસે થે રહેશે. કોઈ મોટા ફેરફાર જોવા મળશે નહીં. આરોગ્ય બાબતે થોડી ચિંતા વધતી જોવા મળે. હવામાનની અસર તમારા આરોગ્ય ઉપર પણ જોવા મળશે. વ્યવસાય-ઉદ્યોગમાં કોઈ નવા કામની શરૂઆત કરી શકો છો અથવા તો નવી કંપની સાથેનું જોડાણ પણ શક્ય બનશે. નોકરિયાત વર્ગને થોડું કામનું ભારણ વધતું જોવા મળે.
• તુલા (ર,ત)ઃ આપનું આ સપ્તાહ વ્યસ્ત પસાર થાય. કામને લઈને દોડધામ વધશે. કેટલીક અધૂરી ઇચ્છાઓ પણ પૂર્ણ કરી શકશો. વ્યવસાયિક કાર્યોમાં વિસ્તરણ અને નવા પ્રોજેક્ટ્સ પર કામ શરૂ કરવાનું થોડું પ્રેશર રહેશે. કૌટુંબિક રીતે આપની જવાબદારીમાં વધારો થતો જોઈ શકશો. સંતાનોની અભ્યાસ વિષયક બાબતોને લઈને એકથી બીજી જગ્યાની મુલાકાત લેવી પડશે. કોર્ટકચેરી અથવા વિઝાના કાર્યોમાં હવે રાહત થતી જોવા મળશે.
• વૃશ્ચિક (ન,ય)ઃ સપ્તાહ દરમિયાન બિનજરૂરી સ્ટ્રેસ નહીં લેવા સલાહ છે. નિરર્થક ચિંતાઓ તમારા સ્વાસ્થ્ય ઉપર માઠી અસર પહોંચાડી શકે છે. આથી કાળજી જરૂરી. નાણાકીય રીતે થોડી રાહતજનક સ્થિતિ રહેશે. નોકરી-વ્યવસાયમાં ઓળખાણ થકી લાભ થાય. પરિવાર સાથે ખુશી-આનંદનો સમય વ્યતીત કરી શકશો. મિત્રો સાથેની મુલાકાતમાં જૂની યાદો તરોતાજા કરશે.
• ધન (ભ,ફ,ધ,ઢ)ઃ આ સપ્તાહ થોડું ખર્ચાળ સાબિત થાય. કોઈ વસ્તુની ખરીદીમાં સારા એવાં નાણાં ખર્ચી શકો છો. નોકરી-ધંધામાં ઘણાં લાંબા સમયથી જેની રાહ જોઈ રહ્યા હતા એ સમય હવે નજીક આવી રહ્યો છે. આપનું સંપૂર્ણ ધ્યાન કાર્યમાં લગાવવું જરૂરી રહેશે. વિદ્યાર્થીઓ માટે ભાગ્યોદયનો સમય છે. નવા સ્થળે અભ્યાસ માટે જવાની મનોકામના પૂર્ણ થાય. કોઈ નાના પ્રવાસ પણ આ સમયમાં કરી શકશો.
• મકર (ખ,જ)ઃ આ સમયમાં આપનું વર્તન થોડું બદલવું જરૂરી રહેશે. સ્વભાવમાં સમય સાથે બદલાવ ખાસ જરૂરી છે. નાણાકીય સ્થિતિમાં ફેરફાર માટેના લાંબા સમયના પ્રયત્ન હવે સાકાર થતા જોઈ શકશો. જીવનસાથી સાથેના સંબંધમાં મતભેદ હશે તો તે દૂર થતાં જોવા મળશે. ગ્રહયોગોની દૃષ્ટિએ જોઇએ તો, ધંધા-વ્યવસાયમાં નવી શરૂઆત અથવા તો ભવિષ્ય માટેની વ્યૂહરચના તમારી સૂઝબૂઝથી આગળ વધારી શકશો. નોકરીમાં ઉપરી અધિકારીની મદદ દ્વારા કાર્યપૂર્તતા સાથે પ્રગતિ કરી શકશો.
• કુંભ (ગ,શ,સ,ષ)ઃ આ સપ્તાહે આરોગ્ય સુધરતું જોવા મળે. ઉર્જાથી સભર, સ્ફૂર્તિપૂર્વક દરેક કામગીરી કરી શકશો. નાણાકીય બાબતોમાં કોઈની ઉપર આંધળો વિશ્વાસ રાખીને કામગીરી કરવાનું ટાળશો. આ સપ્તાહમાં આપના ઘરે મહેમાન પણ આવી શકે છે. જેમની સાથે ખુશી-આનંદનો સમય વ્યતીત કરશો. નોકરિયાત વર્ગને કામ પ્રત્યેની જવાબદારી વધતી જોવા મળશે. ધંધાદારી વર્ગ માટે ઘણો સારો સમય રહેશે.
• મીન (દ,ચ,ઝ,થ)ઃ સપ્તાહની શરૂઆત થોડી માનસિક અશાંતિવાળી જણાય. કામનું ભારણ ચિંતાઓનું કારણ બની શકે છે. આર્થિક દૃષ્ટિએ પણ થોડોક કંટ્રોલ અનિવાર્ય રહેશે. ખર્ચાઓ વધવાથી આપની આર્થિક સમતુલા ખોરવાય જાય. ધંધા-વ્યવસાયમાં કેટલીક અણધાર્યા ઘટના બની શકે છે, જેથી કાળજી રાખવી. મકાન-મિલકતના પ્રશ્નો અહીં ઉકેલાતા જોવા મળશે. જેના કારણે થોડી રાહતનો અનુભવ થાય.
