વાંચો, આ સપ્તાહે આપના ગ્રહોનું ફળકથન...
• મેષ (અ,લ,ઇ)ઃ આ સમયમાં તમારા પ્રશ્નોનો નિવેડો આવવામાં વિલંબ થશે. નાણાકીય બાબતો અંગે આ સમય એકંદરે શુભાશુભ રહેશે. આ સમય ખર્ચાળ બનતો પણ જણાશે. મહત્ત્વની તકો નવા લાભ અને સગવડતા અપાવશે. ધંધાકીય બાબતો માટે ઉતાવળા થશો નહીં, તેમજ હિંમત પણ હારશો નહીં. નોકરિયાતોએ હિતશત્રુઓની ખટપટ અને અવરોધોથી સાવધાન રહેવું જરૂરી.
• વૃષભ (બ,વ,ઉ)ઃ આ સમયમાં અવરોધો અને વિઘ્નોને પાર કરી શકશો. જરૂરિયાત પૂરતી આવક થશે, પણ આર્થિક ભીંસ છતાં તમારું કામકાજ અટકશે નહીં. નોકરિયાતને બઢતીની વાત અટકી હશે તો હવે સિદ્ધ કરવાના પ્રયત્નો ફળદાયી થશે. બીજા અવરોધો પણ દૂર થશે. નવા કરાર થઈ શકશે. તમે પરિવર્તન ચાહતા હો તો તક મળ્યે ઝડપી લેશો. સંપત્તિના પ્રશ્નોથી માનસિક ચિંતા રહેશે. જમીન-મકાનના કામકાજોનો ઉકેલ આવતા વાર લાગશે.
• મિથુન (ક,છ,ઘ)ઃ સપ્તાહમાં ઉતાવળા નિર્ણયો લેતા પહેલા સો વાર વિચાર કરજો. ધીરજ અને સ્વસ્થતા સાચવજો. લાંબા સમયથી અટકેલા લાભ પ્રાપ્ત કરી શકશો. આર્થિક રીતે આ સમયમાં પ્રતિકૂળતા વધશે. નોકરીના ક્ષેત્રે વાતાવરણ યથાવત રહેશે. બઢતી-બદલીનો પ્રશ્નો ગૂંચવાશે. વાદવિવાદ સર્જાય. અસંતોષ અનુભવાશે. વેપાર-ધંધાના ક્ષેત્રમાં પણ સંજોગો હજુ યથાવત્ રહેતા જણાશે. મકાનની ફેરબદલી, ખરીદી કે દસ્તાવેજના કામ કરવા માટે હજુ થોડો સમય રાહ જોવી પડશે. સંપત્તિના કામકાજ માટે પણ થોડું માનસિક ભારણ રહેશે.
• કર્ક (ડ,હ)ઃ આ સમયમાં કોર્ટ-કચેરીના કાર્યોનો ઉકેલ આવતો જણાશે. કોર્ટ-કચેરીના પ્રશ્નો અંગે સાનુકૂળતા વર્તાય. પરિણામે માનસિક ચિંતાઓનો ભાર હળવો થશે. નોકરી અને ધંધાના ક્ષેત્રમાં ધીમી છતાં મક્કમ પ્રગતિ થશે. પુરુષાર્થ વધારવો જરૂરી. ખોટા સાહસથી દૂર રહેવું. સફળતા માટે સંઘર્ષ અનિવાર્ય બની રહેશે. દામ્પત્યજીવનમાં થોડું સંભાળવું જરૂરી.
• સિંહ (મ,ટ): આ સમયમાં ખોટી ચિંતાનો બોજ વધતો જણાશે. માનસિક વ્યથા અને બેચેની વધતી જશે. અજંપો અને અશાંતિમાંથી છૂટવા સતત કાર્યરત રહેવું પડશે. હિંમત હારશો નહીં. મુશ્કેલીઓનો મક્કમતાથી સામનો કરવો. ગૃહોપયોગી ચીજવસ્તુઓની ખરીદી માટે ખર્ચા વધશે. નોકરિયાત વર્ગ માટે સમય સાનુકૂળ છે. સંપત્તિને લગતાં કાર્યો માટે સમય અનુકૂળ છે.
• કન્યા (પ,ઠ,ણ)ઃ આ સમય પ્રવૃત્તિશીલ અને સક્રિય પુરવાર થશે. અધૂરા કામકાજોને આગળ વધારી શકશો. અગત્યની કાર્યવાહીઓમાં પ્રગતિ થાય. માનસિક તથા શારીરિક સ્વસ્થતતા જળવાઈ રહેશે. નોકરી-ધંધાના ક્ષેત્રમાં થોડો વધારે પરીશ્રમ કરાવશે. મકાન-સંપત્તિને લગતા પ્રશ્નો માટે સમય સાનુકૂળ રહેશે.
• તુલા (ર,ત)ઃ આ સમયમાં કોઈ સર્જનાત્મક અને અગત્યની કામગીરી પાર પાડી શકશો. તમારા પુરુષાર્થનું ફળ પ્રાપ્ત થતું જણાય. હાથ ધરેલા કામકાજોને પણ સફળતાપૂર્વક પાર પાડી શકશે. ખર્ચનાં પ્રસંગો વધતાં જણાશે. નોકરી-ધંધાના ક્ષેત્રમાં આ સમય પ્રગતિકારક જણાય. બદલી-બઢતી અંગેના પ્રશ્નો પણ ઉકેલાતા જણાશે. મકાન-મિલકત માટે હજી સમય સાનુકૂળ નથી.
• વૃશ્ચિક (ન,ય)ઃ આ સમય નિષ્ફળતા અને અવરોધોને દૂર કરી સફળતા તરફ દોરી જશે. માનસિક રીતે દૃઢતા રાખશો તો ગમેતેવી મુશ્કેલીનો આસાનીથી સામનો કરી શકશો. આર્થિક પરિસ્થિતિમાં સુધારો થતો જણાય. કોઈ પણ સમસ્યા હશે તેનો ઉકેલ મળતો જણાશે. જમીન-મકાન-સંપત્તિના પ્રશ્નો અંગે પણ સમય સુધરતો જણાશે. આરોગ્ય બાબતે થોડી કાળજી રાખવી જરૂરી. કોઈ નજીકના સ્વજનો દ્વારા મદદ મેળવી શકાશે.
• ધન (ભ,ફ,ધ,ઢ)ઃ સ્વાસ્થ્ય બાબતે આ સમય થોડો ચિંતાજનક રહેશે. માનસિક ચિંતા રહ્યા કરે. થોડી ધીરજ રાખીને કાર્યવાહી કરવી હિતાવહ રહેશે. નાણાકીય દૃષ્ટિએ સમય સારો રહેશે. ઉઘરાણીના અટવાયેલા નાણાં મેળવી શકાશે. નવા કાર્યોની શરૂઆત થશે. નોકરિયાત વર્ગને થોડી ચિંતા-પરેશાની વધશે. જોકે પુરુષાર્થ દ્વારા એમાંથી બહાર આવી શકશો. નવીન તક લાભદાયક પુરવાર થશે.
• મકર (ખ,જ)ઃ માનસિક શાંતિ મેળવવા માટે સતત કાર્યશીલ રહેવું જરૂરી. નોકરિયાતને સ્થાન પરિવર્તન યોગ છે. ચાલુ નોકરીમાં નવીન તકો પણ હાથ આવતી જણાય. ધંધા-વેપારના ક્ષેત્રમાં સંજોગો સાનુકૂળ રહેશે. છતાં કોઈ મહત્ત્વનો નિર્ણય હમણાં લેવાનું ટાળશો. નાણાકીય ચિંતાનો ઉકેલ મળશે. કોઈક અણધાર્યો આર્થિક લાભ થાય. દામ્પત્યજીવનમાં કોઈ ગેરસમજ વધે નહીં તેનું ધ્યાન રાખવું. જીવનસાથીની તબિયત પણ ચિંતા ઉપજાવે.
• કુંભ (ગ,શ,સ,ષ)ઃ આ સમય થોડો ચિંતાજનક રહેશે. જવાબદારી વધતી જણાશે. આવક કરતાં ખર્ચના પ્રસંગો વધશે. કોઈ મોટા સાહસમાં પડવું નહીં. નોકરિયાત માટે સમય ઉત્સાહ વધે તેવી તક આપે. ઉન્નતિનો માર્ગ મોકળો ખુલ્લો થશે. વેપાર-ધંધાના ક્ષેત્રમાં પણ વાતાવરણ અનુકૂળ બની રહે. આપના મકાનની ખરીદીના કાર્ય અટવાયેલા હોય તે પાર પડશે. દામ્પત્યજીવન માટે સાનુકૂળ સમય.
• મીન (દ,ચ,ઝ,થ)ઃ આ સમયમાં મહત્ત્વની તકો મળતાં વિકાસ જણાશે. આનંદ પ્રાપ્ત કરશો. ઉત્સાહપ્રેરક પ્રસંગો બનશે. આર્થિક રીતે સાનુકૂળ સમય છે. મહેનત સફળ થતી જણાય. આ સમયમાં નાણાકીય તંગી દૂર કરી શકશો. નોકરિયાતોને પ્રશ્નો હલ થતાં જણાય. ધંધામાં વિકાસનો માર્ગ મળતાં આનંદ-ઉત્સાહ વર્તાય. મકાન-મિલકતના ક્ષેત્રે સાનુકૂળતા જણાય. મકાન માટેના પ્રયત્નો સાકાર થાય.
