વાંચો, આ સપ્તાહે આપના ગ્રહોનું ફળકથન...
• મેષ (અ,લ,ઇ)ઃ આ સમયમાં થોડીક શારીરિક સમસ્યાઓ જેવી કે સ્ટ્રેસ, માથાનો દુઃખાવો, આંખની તકલીફ રહી શકે છે જેથી કાળજી રાખવી. આર્થિક દૃષ્ટિએ થોડુંક સંતુલન જાળવવું જરૂરી. મિત્રો અને સંબંધી તરફથી સહકાર સારો રહેશે. વ્યવસાયિક જીવનમાં નાની-મોટી સમસ્યાનો સામનો કરવાની તૈયારી રાખશો. સામાજિક જીવનમાં દલીલ કે જીભાજોડી ન કરવાની સલાહ છે. ધંધાકીય બાબતોમાં જોઈવિચારીને પગલાં ભરવા. કોર્ટ-કચેરીના કાર્યો હજી અટવાયેલા રહેશે.
• વૃષભ (બ,વ,ઉ)ઃ તમારો આ સમય ખૂબ પ્રગતિજનક પુરવાર થાય. આપના કાર્યોની પ્રશંસા અને કાર્યસ્થળ પર સન્માન મેળવશો. તમારા ભાઈ-બહેનના સપોર્ટથી કાર્યસિદ્ધિ પ્રાપ્ત કરી શકશો. ધંધાકીય ક્ષેત્રમાં નવી તકો પ્રાપ્ત થાય. સંતાનોના અભ્યાસ બાબતના પ્રશ્નોનો ઉકેલ મળશે. કાર્યસ્થળે ઉપર અધિકારીઓનો સાથ મેળવી શકશો. સ્વાસ્થ્ય બાબતે તમારી સાવચેતી મદદરૂપ બની રહેશે. પ્રવાસ-પર્યટનનું આયોજન થશે.
• મિથુન (ક,છ,ઘ)ઃ આ સમય તમારા કાર્યક્ષેત્રે ખૂબ પ્રગતિકારક સાબિત થાય. ધંધા-વેપારના ક્ષેત્રમાં પણ ઉત્તમ તકો પ્રાપ્ત થાય, જેના કારણે તમારો બિઝનેસ વિસ્તરે. આર્થિક રીતે ખર્ચ વધે પરંતુ સામે આવક પણ વધે. પરિવારમાં ખુશી-આનંદના સમાચાર મળે. સંતાનોની લગ્નવિષયક બાબતોમાં વાતચીત આગળ વધે. બાકી રહેલા કામ આ સપ્તાહે પૂરાં થતાં જોવા મળશે. અભ્યાસ કરનારાઓ માટે સમય સાનુકૂળ રહેશે. સારા સમાચાર મળશે. કોર્ટ-કચેરીના કાર્યોમાં પણ ઉકેલ આવતો જણાય.
• કર્ક (ડ,હ)ઃ આ સમયમાં સરકારી કામકાજના ક્ષેત્રે નસીબ સાથ આપતું જણાતું નથી. હરીફાઈ તેમજ સ્પર્ધાના લીધે થોડી સમસ્યાઓનો સામનો કરવો પડશે. આર્થિક મામલે થોડી રાહત રહેશે. જરૂરિયાતમંદ લોકોને મદદરૂપ માટે તમે આગળ આવશો. પિતા સાથેના સંબંધોમાં મતભેદ હશે તો તે દૂર થતા જોવા મળશે. સંતાનોના અભ્યાસ બાબતે થોડી ચિંતા રહેશે. પ્રવાસ-પર્યટનથી લાભના યોગ છે. નવીન કામગીરી હાથમાં લઈ શકશો.
• સિંહ (મ,ટ): આ સપ્તાહે વધારે મહેનત અને ઓછું પરિણામ આપનારું પસાર થાય. જુદા જુદા કાર્યોમાં મુશ્કેલીઓનો સામનો કરવો પડશે. તમારી એકાગ્રતાનો ભંગ થાય, જેના કારણે માનસિક ઉચાટ અનુભવાય. નોકરી-વ્યવસાયમાં પણ મુશ્કેલીમાં વધારો જોવા મળશે. જોકે, નાણાકીય ક્ષેત્રે થોડી રાહત રહેશે. સ્વાસ્થ્યની દૃષ્ટિએ કોઈ ખાસ મુશ્કેલી જણાતી નથી. વિદ્યાર્થીઓને પોતાની મહેનતના સારાં પરિણામ મેળવશે. વિદેશમાં અભ્યાસની શક્યતાઓ વધશે.
• કન્યા (પ,ઠ,ણ)ઃ કારકિર્દીના દૃષ્ટિકોણથી આ સમય સખત મહેનત કરાવનારો છે. વધુને વધુ કુશળતાનો ઉપયોગ કરી તમારી મહેનત દ્વારા તમારા સ્થાનને મજબૂત બનાવવું પડશે. વ્યવસાયમાં નવીન રોકાણોને લીધે વ્યસ્તતા વધે. આર્થિક રીતે સમય મધ્યમ રહેશે. વિદ્યાર્થીઓને ખાસ કાળજી રાખવી પડે, નહીં તો અભ્યાસમાં રૂકાવટના ચાન્સિસ રહેશે. પરિવારમાં ખુશીના સમાચારને કારણે વાતાવરણ આનંદિત બની રહેશે. માંગલિક પ્રસંગો યોજાય.
• તુલા (ર,ત)ઃ આ સપ્તાહે આપને થોડું વધુ નિયંત્રણ રાખીને કાર્ય કરવાનું સૂચન છે. આપના કાર્યોમાં વધુને વધુ મહેનત અને કુશળતા રાખવી પડે, નહીં તો નુકસાની વેઠવી પડશે. નોકરીના ક્ષેત્રમાં આપ જો ધ્યાન નહીં રાખો તો આપના વિરોધીઓ આપને ટકવા નહીં દે. ખર્ચ અને આવકનું પ્રમાણ એકસરખું રહેશે. કોર્ટ-કચેરીના કાર્યોમાં હજી વિલંબ થતો જણાય. સ્વાસ્થ્યની બાબતે થોડી કાળજી રાખવી પડશે. કામને કારણે પ્રવાસ-પર્યટન વધે.
• વૃશ્ચિક (ન,ય)ઃ આ સમય આપના માટે ખૂબ મહત્ત્વનો અને સફળતા અપાવનારો સાબિત થાય. આપના વ્યવસાયના ક્ષેત્રમાં તમારા સાથી કર્મચારીઓ દ્વારા લાભ થાય. નોકરીના ક્ષેત્રમાં ઈચ્છિત જગ્યાએ બઢતી-બદલીના યોગ છે. આર્થિક દૃષ્ટિએ આવકના પ્રમાણમાં વધારો જોવા મળશે. મકાન-મિલકતની ખરીદી શક્ય બનશે. વિદ્યાર્થીઓ સારા પરિણામ પ્રાપ્ત કરશે. દાંપત્યજીવનમાં મતભેદ હોય તો દૂર થાય.
• ધન (ભ,ફ,ધ,ઢ)ઃ આ સપ્તાહ સફળતા અપાવનારું અને મહત્ત્વનું પુરવાર થાય. તમારો પુરુષાર્થ ફળે. મહત્ત્વના નિર્ણય તમારી તરફેણમાં આવશે. નોકરીના ક્ષેત્રમાં સમય પ્રગતિકારક રહેશે. કુટુંબમાં માંગલિક પ્રસંગો યોજાય. પરિવારમાં વાતાવરણ ખુશમય અને આનંદિત રહે. વિદ્યાર્થી વર્ગ ઇચ્છિત પરિણામ મેળવશે. નવી સંપત્તિની ખરીદી શક્ય બનશે. આર્થિક સદ્ધરતા વધશે.
• મકર (ખ,જ)ઃ આપનો આ સમય થોડો મિશ્ર રહેશે. ક્યારેક ખુશીની લહેર દોડે તો ક્યારેક ઉદાસી વર્તાય. જોકે, આ દરેક પરિસ્થિતિનો આપ કુશળતાપૂર્વક સામનો કરશો. આર્થિક દૃષ્ટિએ ખાસ મુશ્કેલી જણાતી નથી. વ્યવસાયિક કાર્યોમાં થોડું ટેન્શનવાળું વાતાવરણ રહેશે. જમીન-મકાન કે વાહન સંબંધિત નવી ખરીદી શક્ય બનશે. વિદ્યાર્થી વર્ગ માટે મહત્ત્વનું પરિણામ આવી શકે છે.
• કુંભ (ગ,શ,સ,ષ)ઃ તમારી મહત્ત્વની કામગીરીમાં સફળતા પ્રાપ્ત કરી શકશો. આ સમય આપના માટે પરિવર્તન લાવશે, જેના કારણે ઉત્સાહમાં વધારો થાય. કોઈક મહત્ત્વના સમાચારથી આનંદ વર્તાય. આર્થિક સમસ્યા હલ થાય. નોકરીમાં બઢતીનો સમય આવે. વ્યાપારમાં નવા રોકાણો માટે સારી તકો મળશે. નવીન સંપત્તિની ખરીદી માટે સમય ખૂબ સારો છે. શારીરિક તંદુરસ્તીમાં સુધારો જોવા મળશે.
• મીન (દ,ચ,ઝ,થ)ઃ આ સમય આપના માટે અવરોધો લાવશે પણ આપની સૂઝબૂઝ અને બુદ્ધિશક્તિથી ભવિષ્યનું વિચારશો તો આ દરેક અવરોધોનો સામનો દૃઢતાથી કરી શકશો. સરવાળે સારા પરિણામ પણ મેળવશો. નોકરી-વ્યવસાયના ક્ષેત્રમાં મુશ્કેલીનો સામનો કરવો પડે, આપની કસોટી થાય. સંતાનોના લગ્નવિષયક પ્રશ્નોનો ઉકેલ મળતાં માનસિક બોજ હળવો થાય. આર્થિક બાબતે આ સમય નહીં નફો નહીં નુકસાનનો રહેશે.
