વાંચો, આ સપ્તાહે આપના ગ્રહોનું ફળકથન...
• મેષ (અ,લ,ઇ)ઃ સપ્તાહ થોડું ઉતાર-ચઢાવવાળું રહેશે. થોડી સૂઝબુઝ વાપરીને આગળ વધશો તો ફાવશો. નોકરી-ધંધામાં સખત મહેનત માંગી લેતો સમય. આર્થિક રીતે થોડી રાહત થાય. ઉઘરાણીના નાણાં પરત મળશે. ખર્ચાઓ પણ ઘટશે. વ્યવસાયિક ભાગીદારીના સંબંધોમાં સુધારો જોવા મળશે. મેડિકલના વિદ્યાર્થીઓ માટે સારા સમાચાર પ્રાપ્ત કરશે. માંગલિક પ્રસંગોને કારણે દોડધામ વધે.
• વૃષભ (બ,વ,ઉ)ઃ થોડી વિકટ પરિસ્થિતિ બનશે, પરંતુ જો મન મક્કમ રાખીને સામનો કરશો તો પરિણામ સુખદ મેળવી શકશો. આર્થિક રીતે આ સમય થોડો ખર્ચાળ સાબિત થાય. વ્યવસાય-ધંધામાં નવી સિદ્ધિ સર કરી શકશો. નોકરિયાત વર્ગને જવાબદારી સાથે સાથે કામનું પણ ભારણ વધતું જોવા મળશે. નવા મકાનમાં રહેવા જવાનું સપનું હવે પૂર્ણ થાય.
• મિથુન (ક,છ,ઘ)ઃ સમય મિશ્ર પ્રતિભાવવાળો રહેશે. આપના કાર્યક્ષેત્રમાં તેમજ સરકારી કામ કરતાં વ્યક્તિઓને ફાયદો-લાભ પ્રાપ્ત થાય. નવી કારકિર્દીમાં ડગ માંડતી વ્યક્તિઓ માટે પોતાના લક્ષ્યને વળગીને આગળ વધવા સલાહ છે. કાયદાકીય દાવપેચમાંથી હવે રાહત મળશે. નાણાકીય સ્થિતિ સુધરશે.
• કર્ક (ડ,હ)ઃ સપ્તાહ દરમિયાન સારી એવી તકો હાથ લાગશે, જેનો અચૂક લાભ લેજો. આર્થિક મુશ્કેલીમાંથી બહાર નીકળવા માટેના રસ્તાઓ હવે ખૂલતાં જોઈ શકશો. સ્વાસ્થ્યને લગતી થોડીક ચિંતા રહેશે. ધંધા-વ્યવસાયમાં નવા રોકાણો માટેની વ્યવસ્થા કરવામાં સફળતા મળશે. કોર્ટ-કચેરીના કાર્યોમાં હજી થોડીઘણી અડચણો આવશે. વિદ્યાર્થીઓ માટે સમયની સાનુકૂળતા રહેશે.
• સિંહ (મ,ટ): આ સમય ખાસ કરીને સ્વાસ્થ્યની બાબતે ચિંતા રખાવશે. સાથે કામનું ભારણ વધશે. જોકે, તમારી મહેનત અને કામ પ્રત્યેની લગન રંગ લાવશે. કોઈ ખાસ સ્પર્ધાત્મક પરીક્ષાની તૈયારી કરતા વિદ્યાર્થીઓ માટે સમય સાનુકૂળ બનતો જોવા મળશે. પારિવારિક વાતાવરણમાં બદલાવ જણાય. વાહન ખરીદીની શક્યતા રહેશે.
• કન્યા (પ,ઠ,ણ)ઃ છેલ્લાં ઘણાં સમયથી અટકેલાં કાર્યો અથવા પ્રોજેક્ટ્સ પર હવે કામ શરૂ કરી શકશો. વ્યવસાયિક રીતે કોઈ મોટા રોકાણો માટેની વ્યવસ્થા કરવા માટે થોડીક દોડધામ કરવી પડે. નોકરિયાત વર્ગને કોઈ મહત્ત્વપૂર્ણ નિર્ણયોથી કામની સરળતા થતી જોવા મળશે. રિલેશનશિપની બાબતમાં કોઈ ખુશખબર મળશે. મકાનમાં રિનોવેશન કે તે બદલવાની ઈચ્છાઓ પૂર્ણ થાય. પ્રવાસનું આયોજન થાય.
• તુલા (ર,ત)ઃ તમારો આત્મવિશ્વાસ થોડો ડગમગતો જોવા મળે, પરંતુ વિચારોને કાબૂમાં રાખશો તો થોડી રાહત અનુભવશો. તમારી આસપાસનું વાતાવરણ તમારું મનોબળ અને જુસ્સો વધારવામાં મદદરૂપ થાય. નોકરીના કામથી થોડી દોડધામ વધે. નાણાકીય મામલે હવે રાહત મળશે. કોઈ નવી કિંમતી વસ્તુની ખરીદી શક્ય બનશે.
• વૃશ્ચિક (ન,ય)ઃ વાણી અને વર્તન થોડું સંભાળીને રાખજો. કોઈ પણ કામગીરી કરતાં પહેલાં એના દરેક પાસાં ચકાસીને આગળ વધવાથી નુકસાનીથી બચી શકશો. પારિવારિક સમસ્યાઓને વાતચીત દ્વારા ઉકેલવાનો પ્રયાસ કરશો તો સફળ થઈ શકશો. કુંવારા પાત્રોને હવે જીવનસાથીની શોધ પૂરી થાય. નોકરી-વ્યવસાયમાં તમારા કાર્યોની પ્રશંસા થતી જોવા મળશે. સ્વાસ્થ્યને લઈને થોડીઘણી ચિંતા રહેશે. આર્થિક પરિસ્થિતિમાં સુધારો જોવા મળશે.
• ધન (ભ,ફ,ધ,ઢ)ઃ તમારી સામે આવેલા પડકારોને સ્વીકારી મક્કમતાથી આગળ વધશો તો અચૂક સફળ થશો. બાળકોની ચિંતા રહેશે. નોકરિયાત વર્ગને પોતાના સહકર્મચારીની મદદ મળી રહેશે તેમજ કાર્યમાં માન-સન્માન પ્રાપ્ત થાય. વ્યવસાયિક ભાગીદારીમાં થોડું સાચવીને આગળ વધવાની સલાહ છે. જૂના મિત્રો સાથેની મુલાકાત એક સંભારણું બની રહેશે.
• મકર (ખ,જ)ઃ કામનું ભારણ વધશે, જેના કારણે ગુસ્સો-બેચેની અને થોડી અસ્વસ્થતા રહેશે. સમયને થોડો સાચવી લેજો. આર્થિક સંકટમાંથી બહાર નીકળવા માટે થોડા વધુ પ્રયાસ કરવા પડશે. ધંધા-વ્યવસાયમાં જો કોઈ કાનૂની સમસ્યા હોય તો તેનો અંત આવશે. નોકરિયાત વર્ગને નવા વિકાસલક્ષી કાર્યોમાં કામગીરી આગળ વધશે. જમીન-મકાનના સોદામાં હમણાં કોઈ ઉતાવળ કરશો નહીં.
• કુંભ (ગ,શ,સ,ષ)ઃ આ સપ્તાહ દરમિયાન થોડી દોડધામ વધતી જણાશે. પારિવારિક જવાબદારી પણ વધશે. બાકી નીકળતાં લેણાં પાછા મળશે. નોકરી-વ્યવસાયમાં નવા પ્રગતિના માર્ગો ખુલતાં જોવા મળશે. કુંવારા લોકો માટે જીવનસાથીની શોધ પૂરી થાય. વિદ્યાર્થીઓને આ સમય દરમિયાન કોઈની સાથે નિરર્થક રકઝકમાં ઉતરવું નહીં, નહીં તો નાનીઅમથી વાત મોટું સ્વરૂપ ધારણ કરી શકે છે.
• મીન (દ,ચ,ઝ,થ)ઃ સપ્તાહ દરમિયાન આપનું કાર્ય પ્રત્યેનું જોશ વધતું જોઈ શકશો. દરેક મુશ્કેલીમાંથી બહાર નીકળવા માટેના દ્વારા ખુલતાં જોઈ શકશો. નાણાકીય રીતે કોઈ વિશેષ લાભ પ્રાપ્ત થાય. નોકરી-વ્યવસાયમાં નવી ટેકનોલોજી સાથે નવા યુનિટની સ્થાપના કરવામાં સફળતા મળશે. જમીન-મકાનની લે-વેચના સોદાઓમાં પણ ફાયદો થાય. પરિવાર સાથે આનંદની ક્ષણો પસાર કરી શકશો.
