વાંચો, આ સપ્તાહે આપના ગ્રહોનું ફળકથન...
• મેષ (અ,લ,ઇ)ઃ આ સમયમાં નવીન તકો મળતાં વિકાસ અને પ્રગતિનો માર્ગ ખુલે. અગત્યના કામ પાર પાડી શકાય. નાણાકીય રીતે પરિસ્થિતિ અનુકૂળ થતી જોવા મળશે. તમારા ખર્ચાઓને પહોંચી વળવા માટેની યોગ્ય વ્યવસ્થા થઈ શકશે. ધંધાકીય ક્ષેત્રમાં ગૂંચવાયેલા પ્રશ્નો હલ થાય. વિરોધીઓ હવે થોડા શાંત થાય. કૌટુંબિક મામલે જવાબદારી વધે. સ્નેહી-સ્વજન તરફથી માનપાન મેળવશો. નોકરિયાતોની પ્રગતિમાં વધારો થાય.
• વૃષભ (બ,વ,ઉ)ઃ હાથ ધરેલા આયોજન માટે જરૂરી મદદ ઊભી કરવામાં સફળ થશો. માનસિક ચિંતા ઓછી થાય. આર્થિક રીતે બાકી નાણાં પરત મળતા થોડી રાહત થાય. જોકે, બિનજરૂરી ખર્ચ ઉપર કંટ્રોલ રાખવો જરૂરી રહેશે. નોકરિયાત વર્ગ માટે સમય થોડો મિશ્ર પરિણામ આપનારો છે. વ્યવસાયમાં લાભ થાય, પરંતુ સામે એવી દોડધામ પણ કરવી પડશે. જીવનસાથી સાથેના સંબંધોમાં તણાવ હોય તો ઘટાડો થાય.
• મિથુન (ક,છ,ઘ)ઃ તમારી આસપાસનો માહોલ હવે સુધરતો જોવા મળે. મનની મૂંઝવણો દૂર થાય. સમયસંજોગને હવે તમારા પક્ષમાં થતા જોઈ શકાશો. કામગીરીમાં પણ સફળ થઈ શકશો. આર્થિક રીતે હવે તમારી ચિંતાઓ દૂર થાય. નવી આવક ઊભી કરવા માટેનો માર્ગ મોકળો થાય. નોકરી-વ્યવસાયમાં સાનુકૂળ તક પ્રાપ્ત કરી શકાય, જે તમને લાભદાયક રહેશે. નવી કોઈ જવાબદારી આવશે, પરંતુ તમે એને સારી રીતે નિભાવી શકશો.
• કર્ક (ડ,હ)ઃ આ સમય થોડી અકળામણ અને બેચેનીનો અનુભવ કરાવશે. કારણ વગર કાર્યપૂર્તિમાં વિલંબ થતો જોવા મળે. નાણાકીય ભીડ સહન કરવી પડે. બધી બાજુથી પરિસ્થિતિ વિપરિત થતી જોવા મળે. જોકે હિંમત હાર્યા વગર ધીરજથી કામ લેશો તો આ બધામાંથી સફળતાપૂર્વક બહાર આવી શકશો. વ્યાપાર–નોકરીના ક્ષેત્રમાં બિનજરૂરી જીભાજોડીમાં ન ઉતરવાની અહીં સલાહ રહેશે. કોર્ટ-કચેરીના કાર્યોમાં હમણાં કોઈ પણ જાતની ઉતાવળ કરશો નહીં.
• સિંહ (મ,ટ): સપ્તાહની શરૂઆત સકારાત્મક જણાય. તમારા અંગત કાર્યોને પૂરા કરવા માટે યોગ્ય સમય આપી શકશો. રાજકીય કામગીરી કરતાં લોકોને આગળ વધવા માટેની સારી તકો પ્રાપ્ત થાય. નાણાંકીય બાબતોમાં થોડી ઘણી સમસ્યાઓ આવે, પરંતુ તમારી સૂઝબૂઝથી એનો હલ મેળવી શકશો. વ્યવસાયિક ક્ષેત્રે ઘણાં નવાં સિદ્ધિ-સોપાન સર કરો એવી તક મળશે. નોકરિયાત વર્ગને લાંબા સમયથી અટકેલી કામગીરી આગળ વધતી જણાય. પરિવારના સભ્યો સાથે મોજમસ્તીનો સમય પસાર થાય. વિદ્યાર્થીઓને કોઈ શુભ સમાચાર મળે.
• કન્યા (પ,ઠ,ણ)ઃ આ સમય દરમિયાન તમારા વણઉકેલ્યા કાર્યો તરફ થોડું વધુ ધ્યાન આપીને એને પૂર્ણતા તરફ આગળ ધપાવવા પ્રયત્નો કરજો. વ્યવસાય–નોકરીમાં યોગ્ય તકનો લાભ ઊઠાવવાનું ચૂકતા નહીં. તમારા અંગત જીવનની તણાવ – સમસ્યાને કામ પર હાવી થવા દેશો નહીં. આવકના નવા સ્ત્રોત ઊભા કરવાના પ્રયત્નો પરિપૂર્ણ થતા જોઈ શકશો. જીવનસાથી સાથે સુમેળ જાળવી રાખવાના પ્રયત્નો સફળ થાય. નાના પ્રવાસનું પણ આયોજન કરી શકો છો. વિદ્યાર્થીઓને પરીક્ષા અંગે થોડું ભારણ વધતું જોવા મળશે.
• તુલા (ર,ત)ઃ કોઈ પણ કામગીરીમાં ભાવુકતાને બદલે સમજીવિચારીને કાર્ય કરશો તો જરૂર સફળતા મેળવશો. આર્થિક રીતે સમય હવે બદલાતો જોઈ શકશો. આવકના નવા સ્ત્રોત ઊભા કરવામાં સફળ થશો. બાકી લેણાં પણ પરત મેળવી શકશો. વ્યવસાયિક ક્ષેત્રે કોઈ નવા ઓર્ડર કે પ્રોજેક્ટ્સ પર કામગીરી શરૂ કરી શકાય. તમારું કૌશલ્ય અને કુશળતા દેખાડવા માટેનો ઉત્તમ સમય છે. બિનજરૂરી વાદવિવાદથી દૂર રહેવું સલાહભર્યું છે. નોકરીમાં સ્થળાંતર અથવા તો પરિસ્થિતિને અનુકૂળ બદલાવની જરૂરિયાત રહેશે. બિનજરૂરી ખર્ચથી પણ દૂર રહેવું લાભકારી રહેશે.
• વૃશ્ચિક (ન,ય)ઃ વ્યવસાયિક રીતે આ સમયમાં ઘણી સારી નવી ઓફર મેળવી શકશો. સ્પર્ધાત્મક કામગીરી દ્વારા તમારી આવડત અને કુશળતા બતાવીને સારા એવા પરિણામ મેળવી શકાય. આર્થિક રીતે આ સમયમાં બમણો લાભ મેળવી શકશો. જોકે, અહીં એક વાતનું ખાસ ધ્યાન રાખવું કે થોડીક પણ બેદરકારી તમને નુકસાન પહોંચાડી શકે છે. નોકરીમાં પરસ્પર સંબંધોમાં નિખાલસતા તેમજ પારદર્શિતા રાખશો તો કાર્ય સારી રીતે કરી શકશો. પરિવાર સાથે પણ સાનુકૂળ સમય વિતાવી શકશો. સ્વાસ્થ્યને લઈને થોડી ઘણી ચિંતા રહેશે. કોર્ટકચેરીને લગતાં કાર્યોમાં વિજય મેળવી શકશો.
• ધન (ભ,ફ,ધ,ઢ)ઃ જીવનના દરેક કાર્યોમાં શિસ્ત અને અનુશાસન જરૂરી છે તેને ધ્યાનમાં રાખશો તો ફાવશો. વ્યવસાય તેમજ નોકરીના સ્થાનમાં કેટલાક સુધારા તેમજ ફેરફારની જરૂર રહેશે. વિદ્યાર્થીઓ અને યુવા વર્ગને સમજદારી અને મહેનતથી કામગીરી કરવી જરૂરી. સામાજિક અને આધ્યાત્મિક પ્રવૃત્તિમાં સમયે સમયે ભાગ લેશો. કોઈ જૂના મિત્ર સાથેની અચાનક મુલાકાત આપને ઊર્જાવાન બનાવશે. સ્વાસ્થ્યને લઈને હવે બેદરકારી દૂર કરવી પડે. થોડીક કસરત તેમજ ખાનપાનમાં કાળજી જરૂરી છે.
• મકર (ખ,જ)ઃ નકારાત્મક વિચારોને દૂર કરી સકારાત્મક વિચારો પર ધ્યાન કેન્દ્રિત કરીને કામગીરી કરવાથી ફાયદો રહેશે. આપના જૂના અને જટિલ પ્રશ્નોનો ઉકેલવા માટે વિચારસરણીમાં બદલાવ જરૂરી છે. તમારા સંબંધોને કાર્યમાં ઉપયોગ કરી સકારાત્મક પરિણામ પ્રાપ્ત કરી શકશો. પૈસાની લેવડદેવડમાં કોઈ યોગ્ય વ્યક્તિને વચ્ચે રાખી કામગીરી કરવી સલાહભર્યું છે. નાનામાં નાની બાબતોની ચોકસાઇ રાખીને કામ કરવું, નહીં તો ઉલમાંથી ચૂલમાં પડવાનો સમય દૂર નથી. વ્યવસાયિક કામગીરીમાં પણ જવાબદારી એકબીજાને વહેંચીને કામ કરવામાં ફાયદો રહેશે.
• કુંભ (ગ,શ,સ,ષ)ઃ આ સમય વ્યસ્તતાવાળો પસાર થાય. કાર્યબોજ તેમજ જવાબદારી વધતાં જોવા મળશે. મહત્ત્વપૂર્ણ કાર્યોને પૂરા કરવા માટે આ યોગ્ય સમય છે. વ્યક્તિગત કામગીરી સાથે સાથે સામાજિક તેમજ કૌટુંબિક પ્રવૃત્તિને પણ એટલું જ મહત્ત્વ આપવું પડશે. આર્થિક લેવડદેવડના કાર્યોમાં તેમજ ભાગીદારીના કાર્યોમાં બમણી ચોકસાઇ રાખીને કામગીરી કરવી હિતાવહ રહેશે. પરિવાર અને બાળકો સાથે આનંદિત સમય પસાર કરી શકશો. માતાપિતાના સ્વાસ્થ્ય સંબંધિત ચિંતા દૂર થતી જણાશે.
• મીન (દ,ચ,ઝ,થ)ઃ આ સમયમાં સ્થાનફેરના યોગો બળવાન બને છે, એ નોકરી-ધંધા કે અંગત રીતે પણ હોઈ શકે. તમારી લાગણી અને ઉદારતા જ તમારી સૌથી મોટી નબળાઈ બની શકે છે જેનું ખાસ ધ્યાન રાખવું. વ્યવસાય–નોકરીના કાર્યો ખૂબ મહેનત માંગી લેશે. નવા રોકાણ કરતાં પહેલાં સંપૂર્ણ સંશોધન જરૂરી રહેશે. નાણાકીય મામલે સ્થિતિ વધુ મજબૂત બનતી જોઈ શકશો. વિદ્યાર્થીઓને પણ એમની મહેનતનું સારું પરિણામ મળશે. બદલાતા હવામાનને કારણે થોડી શારીરિક તકલીફો જણાશે.
