વાંચો, આ સપ્તાહે આપના ગ્રહોનું ફળકથન...
• મેષ (અ,લ,ઇ)ઃ આપને સામાજિક કાર્યોમાં યશ મળશે. ઉત્સાહ વધશે. નાણાકીય પરિસ્થિત મધ્યમ રહેશે. નોકરિયાતોને ગુંચવાયેલા પ્રશ્નોનો ઉકેલાતા જણાશે. કૌટુંબિક સંપત્તિ દ્વારા લાભ થશે. વેપાર-ધંધામાં પરિવર્તન આવશે. મકાન-મિલકતની ખરીદીના યોગ બળવાન બનશે. કાર્યક્ષેત્રે સામાન્ય મતભેદ રહેશે. મનને શાંત રાખવું ઉતાવળે નિર્ણય કરવા નહીં. સંતાનોની સામાન્ય ચિંતા રહેશે. વિદ્યાર્થી વર્ગને સારું રહેશે.
• વૃષભ (બ,વ,ઉ)ઃ આ સમય આપને માટે ઉત્સાહ-આનંદનો રહેશે. આર્થિક પ્રશ્નો ગૂંચવાયા રહેશે તો ઉકેલવા મહેનત કરવી પડશે. નોકરિયાતોને હિતશત્રુઓથી અવરોધોની શક્યતા છે. બદલી-બઢતીમાં અવરોધો આવે. વડીલોની મદદ મળી રહેશે. પ્રવાસ-પર્યટન થશે. તમારા કૌટુંબિક પ્રશ્નોનો ઉકેલ આવશે. વાહન તેમજ પ્રોપર્ટીની ખરીદી થવાની શક્યતા રહેશે. આવકના પ્રમાણમાં ખર્ચ રહેશે. સંતાનો માટે પણ ખર્ચા કરવા પડશે.
• મિથુન (ક,છ,ઘ)ઃ સપ્તાહ દરમિયાન માનસિક ટેન્શન રહેશે. છતાં ધીરજ અને મક્કમતાથી કામગીરી કરશો તો અવરોધો દૂર થશે. આર્થિક પ્રશ્નો ગૂંચવાયા હશે તો ઉકેલ આવશે. આર્થિક પાસું સદ્ધર થશે. નોકરી-ધંધામાં સારી સફળતા મળશે. પ્રોપર્ટીમાં વધારો થશે. કૌટુંબિક મદદ સારી મળી રહેશે. વડીલોનો સહયોગ મળી શકશે. સામાન્ય વિચાર મતભેદ રહેશે. ગૃહજીવનમાં આનંદ-ઉત્સાહ વધશે. વિદ્યાર્થીઓને અભ્યાસમાં સારું પરિણામ મળે.
• કર્ક (ડ,હ)ઃ આ સપ્તાહે તમારો આત્મવિશ્વાસ અને જુસ્સો સારા રહેશે. નોકિરયાત માટે આ સમય સારો રહેશે. વેપાર-ધંધામાં ચડાવ-ઉતારની શક્યતા રહેશે. આર્થિક સુખ મધ્યમ રહેશે. આરોગ્ય બાબતે કાળજી રાખવી જરૂરી. વડીલો સાથે સામાન્ય વિચાર મતભેદ રહેશે. ભાતૃવર્ગ સાથે સારું રહેશે. વિદ્યાર્થી વર્ગને સારું રહેશે. સંતાનોની સામાન્ય ચિંતા રહેશે. પ્રવાસના યોગો બળવાન છે.
• સિંહ (મ,ટ): આ સમયમાં ખોટી ચિંતાનો બોજ વધતો જણાશે. વ્યથા-અશાંતિમાંથી છુટવા કાર્યરત રહેવું પડશે. હિંમત ગુમાવશો તો તકલીફ થશે. નાણાકીય રીતે સારું રહેશે. આવકમાં વધારો થશે. ગૃહોપયોગી ચીજવસ્તુની ખરીદી કરી શકશો. નોકરિયાત વર્ગને સારો લાભ મળશે. સંપત્તિને લગતા કામમાં મુશ્કેલી આવશે. સંતાનોના પ્રશ્નો ઉકેલાશે. સામાન્ય મનદુઃખ રહેશે. વિદ્યાર્થી વર્ગને થોડા અવરોધો રહેશે. આરોગ્ય અંગે ચિંતા રહેશે. પ્રવાસથી આનંદ રહેશે.
• કન્યા (પ,ઠ,ણ)ઃ માન અને મહત્ત્વમાં વધારો થશે. તમારી યોજનામાં પ્રગતિ થતી જોઈ શકશો. લાંબા સમયથી અટવાયેલા કામોનું નિરાકરણ આવશે. નાણાકીય મૂંઝવણનો ઉકેલ આવશે. આર્થિક સ્થિતિ સારી થતી જણાશે. નોકરિયાતોના માર્ગ આડેના અવરોધો દૂર થતાં જણાશે. મકાન-મિલકતના પ્રશ્નો ઉકેલાશે. ધંધાકીય ક્ષેત્રે થોડી મુશ્કેલી રહેશે. આવક કરતાં જાવક રહેશે. તબિયત અંગેની ચિંતા દૂર થશે. સામાજિક પ્રસંગો વધશે. વિદ્યાર્થી વર્ગની મહેનત ફળે.
• તુલા (ર,ત)ઃ આ સમયમાં ચિંતાનો બોજ દૂર થશે. મન શાંતિ અનુભવશે. મહત્ત્વના કામકાજો ઉકેલાતા જણાશે. નાણાકીય સુખ સારું રહેશે. જોકે નાણાંકીય લેવડદેવડ બાબતે ધ્યાન રાખવું જરૂરી રહેશે. જીવનસાથીનો સહકાર મળી રહેશે. વડીલો માટે ચિંતા રહેશે. કૌટુંબિક મતભેદ સામાન્ય રહેશે. ધંધા-વેપારના ક્ષેત્ર થોડી મુશ્કેલી રહેશે. વડીલોપાર્જીત પ્રોપર્ટીથી લાભ રહેશે. આરોગ્ય સારું રહેશે.
• વૃશ્ચિક (ન,ય)ઃ તમારા કાર્યો સફળ થતા જણાશે. તમારી મહેનત અને પ્રયત્નો યારી આપશે. નવી તકો ઊભી થતી જણાશે. ધંધાકીય બાબતના તમારા પ્રયત્નો અને કાર્યો સફળ થાય. માનસિક સુખ-શાંતિ મળી રહેશે. સ્નેહી તેમજ મિત્રોની મદદ મળી રહેશે. અગત્યની ઓળખાણ ઊભી થશે. સ્નેહીજનો સાથે સારો વ્યવહાર રહેશે. નોકિરયાત વર્ગને ચઢાવ-ઉતાર રહેશે. ઉપરી અધિકારીઓથી સારો લાભ મળી રહેશે. વિદ્યાર્થીઓને અભ્યાસમાં સારું રહેશે.
• ધન (ભ,ફ,ધ,ઢ)ઃ સપ્તાહ દરમિયાન વિઘ્નો દૂર થશે. માનસિક ચિંતા દૂર થતી જણાશે. આવકના પ્રમાણમાં જાવક પણ રહેશે, જેથી સાચવીને ખર્ચ કરવો હિતાવહ રહેશે. નોકરી-ધંધા અંગે સાનુકૂળ તક મેળવી શકશો. કુટુંબ સાથે સારો મનમેળ રહેશે. કોર્ટકચેરીના કામમાં વિલંબ થશે. વિદ્યાર્થી વર્ગને મહેનતના પ્રમાણમાં ધાર્યું ફળ મળશે નહીં. સંતાનોની ચિંતા રહેશે. આરોગ્ય સાચવવું હિતાવહ રહેશે. આકસ્મિક ધનલાભની શકયતા રહેશે. પ્રવાસના યોગ છે.
• મકર (ખ,જ)ઃ મનમાં અજંપો અને વ્યથા વર્તાય. આર્થિક દૃષ્ટિએ આ સમય સામાન્ય જણાશે. નોકરિયાત માટે આ સમયના યોગો સાનુકૂળ રહેશે. અટકેલા કામકાજનો ઉકેલ આવતો જણાશે. ઉપરી અધિકારીનો સહકાર સારો મળી રહેશે. મિલકતની કોઇ સમસ્યા હશે તો ઉકેલાશે. મકાન-મિલકતના યોગો પણ બળવાન બનશે. વડીલો સાથે સારો મનમેળ રહેશે. અગત્યની મુલાકાતો થાય. સંતાનોનો સહકાર સારો મળી રહેશે.
• કુંભ (ગ,શ,સ,ષ)ઃ તમારા મહત્ત્વનાં કામોમાં વિકાસની તકો ઊભી થશે. મનની ચિંતા દૂર થશે. નાણાકીય પરિસ્થિતિ સારી રહેશે. ખર્ચ પર કાબુ રાખવો જરૂરી. નોકરી અને વ્યવસાયિક સમસ્યા ઉકેલાય. વિરોધીઓના હાથ હેઠા પડતા જણાય. તંદુરસ્તી જાળવી શકશો. ગૃહજીવનમાં શાંતિ અને પ્રસન્નતા રહેશે. સંતાન અંગેની સમસ્યાનો હલ મેળવી શકશો. અવિવાહિતો માટે વિવાહના પ્રસંગો બળવાન બને. આરોગ્ય સારું રહેશે.
• મીન (દ,ચ,ઝ,થ)ઃ સપ્તાહ દરમિયાન મનમાં ચિંતા અને અશાંતિનો ભાર અનુભવાશે. કેટલાક અવરોધોનો સામનો કરવો પડશે. નાણાકીય સ્થિતિ મધ્યમ રહેશે. આવકજાવક સરખી રહેશે. વ્યાપાર-ધંધામાં સારી પ્રગતિ થતી જોવા મળશે. જમીન-મકાનને લગતી સમસ્યા ઉકેલાતી જોવા મળશે. નોકરિયાતોને બદલી કે બઢતીનાં પ્રસંગો બળવાન બને. વિરોધીથી બચતા રહેજો. પ્રવાસની યોજના સાકાર થાય. વિદ્યાર્થી વર્ગને સારું રહેશે.
