વાંચો, આ સપ્તાહે આપના ગ્રહોનું ફળકથન...
• મેષ (અ,લ,ઇ)ઃ સપ્તાહ દરમિયાન પરિવારમાં પ્રવર્તતી ગેરસમજ દૂર કરી શકશો. પરિવારમાં વાતાવરણ આનંદમય બની રહેશે. નોકરિયાતને આ સમયમાં કોઈ સારા સમાચાર પ્રાપ્ત થઈ શકે છે. કરિયરને લગતા પ્રશ્નોનું નિરાકરણ મળી રહેશે. વ્યવસાય જગતમાં નવી યોજના તથા નવા રોકાણ થકી લાભ મેળવી શકશો. નાણાકીય રીતે આ સમય થોડો ખર્ચાળ સાબિત થઈ શકે છે. નવા વાહનની ખરીદી અથવા ઘરમાં રિનોવેશન પાછળ ખર્ચ થાય.
• વૃષભ (બ,વ,ઉ)ઃ આળસ ખંખેરીને વધુ મહેનત કરશો તો દરેક કાર્ય સરળતાથી કરી શકશો, નહીં તો તમારી આળસવૃત્તિને કારણે કામો ખોરવાઇ શકે છે. આર્થિક સ્થિતિમાં સુધારો જોઈ શકશો. વ્યવસાય-ઉદ્યોગ ક્ષેત્રે અટવાયેલા કામકાજો ફરીથી શરૂ કરી શકશો. કોઈ યોગ્ય સલાહકારની મદદ લઈ આગળ કામ કરશો તો સફળ થઈ શકશો. નોકિરયાત વર્ગને પ્રગતિકારક તકો હાથ લાગી શકે છે. પારિવારિક પ્રસંગોને કારણે વ્યસ્તતા વધતી જોવા મળે.
• મિથુન (ક,છ,ઘ)ઃ આ સપ્તાહે થોડી બેચેની અને મનોસ્થિતિમાં ઉર્જાની ખામીનો અનુભવ થાય. થોડું ટેન્શનવાળું વાતાવરણ જોવા મળે. જોકે તમારું ધ્યાન અન્ય બાબતોમાં લગાવશો તો થોડી રાહત મેળવી શકશો. નોકરિયાત કોઈ પ્રોજેક્ટ પર કામ કરી રહ્યા હશે તો તેમાં થોડો વિલંબ થતો જોવા મળે. વ્યવસાયમાં કોર્ટ-કચેરી સંબંધિત પ્રશ્નોનો ઉકેલ લાવી શકશો. સ્વાસ્થ્ય સંબંધિત થોડીઘણી સમસ્યા જોવા મળે.
• કર્ક (ડ,હ)ઃ તમારા રુટિનમાં થોડા બદલાવ લાવવા જરૂરી રહેશે. સ્વાસ્થ્ય સાથે કોઈ પણ જાતની લાપરવાહી નુકસાની લાવી શકે છે. આર્થિક સમસ્યાનો ઉકેલ લાવવામાં સફળ થશો. તમારી જરૂરિયાતને પહોંચી વળવા માટેની નાણાકીય વ્યવસ્થા ઊભી કર શકશો. નોકરી-વ્યવસાયમાં પરિસ્થિતિ યથાવત્ રહેશે. બિનજરૂરી ખર્ચાઓ ટાળવા જરૂરી.
• સિંહ (મ,ટ): સપ્તાહ દરમિયાન ગ્રહોની પરિસ્થિતિ સાનુકૂળ બનતી જોઈ શકશો. અજાણી વ્યક્તિ સાથેની મુલાકાત જીવનભરનું સંભારણું બની શકે છે. નાણાકીય બાબતોમાં થોડી વધુ ચોકસાઇ રાખીને કામગીરી કરવી સલાહભર્યું છે. વ્યવસાયમાં કોઈની ઉપર અતિ વિશ્વાસુ બનીને કામ સોંપી દેવું નહીં. અન્યથા તમારે જ નુકસાન સહન કરવું પડે. નોકરીમાં જગ્યાની ફેરબદલી અથવા તો ઇન્ટરવ્યૂની તૈયારી કરતા હો તો સફળતા મળશે.
• કન્યા (પ,ઠ,ણ)ઃ પારિવારિક વિખવાદ મોટું સ્વરૂપ ધારણ ના કરે તેની ખાસ કાળજી તમારે જ રાખવી પડશે. નહીં તો વિવાદ વધી શકે છે. કાર્ય સંબંધિત લક્ષ્ય સમયસર પૂરા કરવા માટે ભાગદોડ વધી જાય. કામનું પ્રેશર વધતું જણાય. વ્યવસાયિક રીતે કોઈ નવા રોકાણો તેમજ નવા પ્રોજેક્ટ્સ પર કામ શરૂ થઈ શકવાની સંભાવના રહેશે. જોકે કાયદાકીય દાવપેચમાંથી પણ પસાર થવું પડે. નાણાકીય રીતે સમય મધ્યમ.
• તુલા (ર,ત)ઃ કોઈ પણ નિર્ણય ઉતાવળે લેવાને બદલે થોડું શાંત ચિત્ત રાખીને લેશો તો લાભદાયી પરિણામ મેળવશો. જમીન-મકાનને લગતા કામકાજમાં દસ્તાવેજ સંબંધિત કાર્યવાહી પણ ધ્યાનથી કરશો. નાણાકીય રીતે સમય તમને સાથ આપશે. ફસાયેલા નાણા પાછાં મેળવી શકશો. નાણાકીય રીતે સમય તમને સાથ આપશે. ફસાયેલા નાણાં પાછા મેળવી શકશો. નોકરી-વ્યવસાયમાં કામને કારણે એકથી બીજી જગ્યાએ ભાગદોડમાં વધારો જોવા મળે.
• વૃશ્ચિક (ન,ય)ઃ તમારી ક્ષમતા કરતા પણ વધુ કામગારી કરી રહ્યો છો જેના કારણે શરીર અને મનથી પણ થાકનો અનુભવ થાય. થોડો રાહતનો શ્વાસ લો અને જરૂર પૂરતી કામગીરી કરો. નોકરિયાતને ઉપરી અધિકારી સાથેના સંબંધોમાં હવે વધુ સુમેળ જોવા મળે. વ્યવસાય-ઉદ્યોગમાં રોજબરોજના કાર્યો પર પણ ધ્યાન આપવું જરૂરી રહેશે. કાયદાકીય દાવપેચમાંથી બહાર નીકળવા માટેના રસ્તાઓ ખુલ્લા થતાં જોઈ શકશો.
• ધન (ભ,ફ,ધ,ઢ)ઃ સપ્તાહ દરમિયાન આપનો સારો એવો સમય ઘરની દેખરેખ કે સુધારાને લગતી ગતિવિધિમાં પસાર થાય. કોઈને ઉછીના આપેલા નાણાં પરત મેળવી શકશો. વ્યવસાયમાં પોતાના લક્ષ્યને ધ્યાનમાં રાખીને આગળની કામગીરી કરવા સલાહ રહેશે. નોકરીમાં બદલી-બઢતીના અટવાયેલા કામકાજો હવે ઉકેલાતા જણાય. પરિવાર સાથે થોડો વધુ સમય પસાર કરશો. વિદ્યાર્થીઓને કોઈ શુભ સમાચાર મળે.
• મકર (ખ,જ)ઃ તમારો આ સમય થોડો કસોટીવાળો રહેશે. સૂઝબૂઝથી તમે દરેક કસોટીમાંથી પાર ઉતરી શકશો. વ્યવસાય જગતમાં બદલાતી પરિસ્થિતિ સાથે તમારી નવી નીતિથી કામગીરી કરશો તો ફાયદામાં રહેશો. નોકરીના ક્ષેત્રમાં તમારા સહકર્મચારી સાથે નજીવી બાબતે રકઝક થાય એવા સંજોગ સર્જાય. જીવનસાથી સાથેના સંબંધોમાં સુધારો જોવા મળે. જોકે સ્વાસ્થ્યને લઈને થોડી સમસ્યા રહેશે.
• કુંભ (ગ,શ,સ,ષ)ઃ સપ્તાહ દરમિયાન તમારા પરિવાર સાથે કોઈ ધાર્મિક સ્થળની મુલાકાત લઈ શકો છો, જે આપને ખૂબ રાહત અને હકારાત્મક ઊર્જાનો અનુભવ કરાવશે. આર્થિક મામલે તમારી નજીકની વ્યક્તિની મદદથી ગૂંચવાયેલા પ્રશ્નોનો હલ લાવી શકશો. વ્યાપાર ક્ષેત્રે પરિસ્થિતિમાં થોડા ઘણા પરિવર્તનો જોઈ શકશો. તમારું માન-સન્માન પણ વધે. નોકરી માટે જે પ્રયાસો કરી રહ્યા છો તે હવે સફળ થતાં જોવા મળશે.
• મીન (દ,ચ,ઝ,થ)ઃ આ સપ્તાહે કામનું ભારણ વધતું જોવા મળે, જેના કારણે તમારો સ્વભાવ પણ બદલાતો જોઈ શકશો. ચિડીયાપણું, ગુસ્સો, ટેન્શન રહે. નાણાકીય રીતે આ સમય સારો રહેશે. તમારા કામનું વળતર પણ સારું મેળવશો. જો કોઈ જગ્યાએ રોકાણ કરવાનું વિચારતા હો તો એ પણ શક્ય બનશે. વ્યવસાયમાં કોઈ પણ લેવડદેવડ કરતાં સમયે જરૂરી કાર્યવાહી કરીને આગળ વધશો. નોકરીમાં પરિવર્તનની ઇચ્છા ધરાવતા હશો તો હવે સફળતા મળતી જણાય. સંતાનોના મામલે કોઈ મહત્ત્વપૂર્ણ નિર્ણયો માટે યોગ્ય વિચાર કરીને આગળ વધશો.
