ગુરુ ગોવિંદસિંહની જન્મજયંતી નિમિત્તે વુલ્વરહેમ્પટનમાં પ્રદર્શન

લંડનઃ યુનિવર્સિટી ઓફ વુલ્વરહેમ્પટને બર્મિંગહામના કોન્સ્યુલેટ જનરલ ઓફ ઈન્ડિયાના સહયોગથી વુલ્વરહેમ્પટનમાં શીખ ધર્મના દસમા ગુરુ ગોવિંદસિંહની ૩૫૦મી જન્મજયંતીની ઉજવણી નિમિત્તે તેમના જીવન અને ઉપદેશો વિશે ફોટોગ્રાફીક પ્રદર્શન યોજ્યું છે.
આ પ્રદર્શનનો લાભ નાગરિકો આગામી ૪થી માર્ચ સુધી સવારે ૧૦થી સાંજે ૬ દરમિયાન લઈ શકશે. યુનિવર્સિટીના મિલેનિયમ સિટી બિલ્ડીંગમાં યોજાયેલા આ પ્રદર્શનમાં વિનામૂલ્યે પ્રવેશ મેળવી શકાશે. વધુ માહિતી માટે સંપર્ક. 01902 32 2736 અથવા 01902 518647.